Skip links

FEVAS Plena inclusión Euskadi, sare sozialen erabilera arduratsuari buruz kontzientziatzen

Federazioak “Internet y redes sociales. Por un uso seguro y responsable” (FEVAS Lectura Fácil bildumako 2 zk.) Gida kaleratu berri du. Gidaren helburua, adimen edo garapen urritasuna duten pertsonak,komunikaziorako plataforma horiek behar bezala erabiltzearengarrantziaz sentsibilizatzea da.

Ekimen horrek, APDEMA, GORABIDE, ATZEGI eta URIBE KOSTA elkarteetako pertsona auto-kudeatzaileen taldeen arduradunek egindako eskariari erantzuten dio. Horien iritziz, teknologiaren hedapenarekin batera, kolektiboa alor horretan sentsibilizatzeako orduan eragina izango duten ekintzak ere gauzatu behar dira. Beste batzuetan egin den bezala, adimen urritasuna duten pertsonen laguntza bultzatu da, oraingo honetan Irakurketa Errazeko idazketaren kontrastean eta edukiaren xehetasunetan.

Teknologia horien erabiltzaileek Interneten eta sare sozialen erabilgarritasunari buruzko edukiak, ezagutu behar dituzten arriskuak eta erabilera egokirako zenbait aholku orokor aurki ditzakete Gidan. Halaber, WhatsApp, Facebook, Tuenti, Twitter, Intagram eta YouTube bitartez harremanak izateko orduan kontuan izan beharreko orientabide errazak zehazten dira, eta nabarmendu egiten da edozein irudi edo testu zabaldu aurretik garrantzitsua dela arinegi ez ibiltzea eta horrek izan ditzakeen eraginez jabetzea.

Beste alde batetik, eta baliabide hori laguntzarako material gisa erabiliz, datozen hilabeteetan, adimen eta garapen urritasuna duten 150 pertsona baino gehiagok sare sozialak erabiltzeko moduari buruzko gogoeta egiten jarraituko dute auto-kudeaketa taldeetan; sare sozial horiek izan ditzaketen arriskuetako batzuez jabetzea da arazoak saihesteko eta ahalik eta gehien gozatzeko lehen pausoa.

Euskaltel Fundazioak, ONCE Fundazioak eta Eusko Jaurlaritzako Enplegu eta Gizarte Politika Sailak finantzatutako argitalpenak, FEVAS Plena inclusión Euskadi erakundeak gizarteratzeko tresna gisa Irakurketa Erraza bultzatzeko aurrera daraman estrategia sendotzen du. Apustu horren ondorioz, 2014an hasiera eman zitzaion “FEVAS Lectura Fácil” bildumari. Bildumako lehen lana “En primera persona. Consejos para cuidar nuestra imagen” izan zen, eta orain, Interneti eta sare sozialei eskainitako koadernotxo honekin osatzen da.

Sar zaitez gidara helbide honetan: https://fevas.org-old/guias-estudios-informes

Artículos relacionados





    Ver Política de privacidad

    Skip to content