Skip links

Desgaitasuna duten pertsonen ezkontzak oztopatzen dituzten zenbait muga desagerraraziko dira

Laster sartuko da indarrean desgaitasuna duten pertsonen ezkontzak oztopatzen dituzten zenbait muga desagerraraziko dituen lege-erreforma, gizarte zibilaren eta elkarte-mugimenduen eskariei eta Desgaitasuna duten Pertsonen Eskubideen buruzko Nazioarteko Konbentzioaren exijentziei erantzuten diena.

Horrela, desgaitasunaren alorreko elkarte-mugimenduak aspalditik salatu izan duen diskriminazio historikoa zuzenduko da, pertsona horiek diskriminazioa pairatzen baitzuten ezkontzeko unean, ezkontzeko adostasuna adierazteko behar diren gaitasunak zituztela ziurtatzen zuen mediku-irizpena aurkeztu behar izaten zutelako.

Borondatezko Jurisdikzioari buruzko 15/2015 Legeak, uztailaren 2koak, Kode Zibilaren erreforma ekarri zuen, honako hau xedatzen baitzuen: “Ezkongaietatik edozeinek buru-, adimen- edo zentzumen-urritasunak baditu, akta edo espedientea izapidetzen duen idazkari judizialak, notarioak, Erregistro Zibilaren arduradunak edo funtzionarioak medikuei irizpena eskatuko die, pertsona horrek adostasuna emateko duen gaitasunari buruz”.

Justizia Ministerioak adierazpen baten bidez jakinarazi duenez, lege-erreforma honen bidez interpretazio-zalantzak argituko dira, orain honako hau xedatuko baitu legeak: “salbuespen gisa, haietako baten osasun-egoerak, laguntza-neurriak izanda ere, modu garbian, irmoan eta funtsezkoan eragotz badiezaioke ezkontza-adostasuna adieraztea, medikuei irizpena eskatuko zaie, pertsona horrek adostasuna emateko duen gaitasunari buruz”.

Testu berriak, gainera, desgaitasuna duten pertsonen babesa sendotzen du, adierazten baitu espedientea izapidetzen duen justizia-administrazioko abokatuak, notarioak, Erregistro Zibilaren arduradunak edo funtzionarioak ezkontideen adostasuna ematea, interpretatzea eta jasotzea errazten duen giza laguntza eta laguntza teknikoa eta materiala eskatu ahal izango diela administrazioei edo kolektibo horien ordezkari diren elkarteei.

 

Artículos relacionados





    Ver Política de privacidad

    Skip to content