Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » Sin categoría » Edekak emakumeari eta urritasunari buruzko gogoeta egiten du: eskubide eta aukera berdintasuna

Edekak emakumeari eta urritasunari buruzko gogoeta egiten du: eskubide eta aukera berdintasuna

ee
Irakurketa erraza

Urritasuna duten Pertsonen Koordinakundeak (EDEKA),

urritasuna duten emakumeen eskubideei

eta aukerei buruz hitz egiteko Jardunaldia antolatu zuen.

 

Jardunaldian, Emakundeko Leyre Solagurenek urritasuna duten

emakumeek egiten dituzten gauzei buruz hitz egin zuen.

Atzegi, Elkartean, ONCE eta Euskal Gorrak erakundeek

beraien esperientzia kontatu zuten.

Edekaren webgune berria ere aurkeztu zen.

 

Jardunaldi hori garrantzitsua da FEVASentzat.

Gizarteak urritasuna duten emakumeen egoera ikus dezan balio du,

eta baita berdintasuna lortzeko ekintzak planifikatzeko ere.

Joan den abenduaren 15ean, EDEKAk, Urritasuna duten Pertsonen Euskal Koordinakundeak,“Emakumea eta urritasuna: eskubide eta aukera berdintasuna” Jardunaldia egin zuen Intxaurrondoko Kultur Etxean,berdintasunerako politiketan eta planetan sakontzeko eta hainbat erakunde arlo horretan gauzatzen ari diren jardunbide onak aurkezteko helburuz.

Mikel Malcorraren (EDEKAko presidentea), Maite Peñaren (Gipuzkoako Gizarte Politika Diputatua) eta Beatriz Artolazabalen (Eusko Jaurlaritzako Gizarte Politika Sailburua) eskutik etorri zen inaugurazioaren ondoren, Leyre Solagurenek (Emakunde) hartu zuen parte, urritasuna duten emakumeen bazterketari aurre egiten aurrera eramandako politikak azaldu zituen hitzaldiarekin.

Ondoren, esperientzia hauek jaso zituen laneko mahaia gauzatu zen: “Berdintasunaren alde lanean: Gizonen eta emakumeen berdintasunerako Plana gure errealitatera egokitzea”, FEVASeko kide den Atzegi erakundearena; “Emakumea, urritasuna eta berdintasun politikak. Begirada elkarte mugimenduaren bitartez” Elkartean erakundearena; “ONCEren eta bere Fundazioaren Aukera Berdintasunerako Behatokia”; eta “Emakume gorra eta komunikaziorako oztopoak”, Euskal Gorrak erakundearena.

Amaitzeko, FEVAS parte den eta Euskadiko Autonomia Erkidegoko gizarte bizitzan urritasuna duten pertsonen partaidetza sustatzeko lan egiten duten euskal erakundeak, federazioak eta konfederazioak biltzen dituen EDEKA plataformak, bere webgune berria aurkeztu zuen.

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies