Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » Sin categoría » FEVASeko boluntarioek talde lanari buruz hitz egin dute

FEVASeko boluntarioek talde lanari buruz hitz egin dute

B
Irakurketa erraza

Apirilaren 6an, larunbatean, FEVASek boluntarioen topaketa antolatu zuen

boluntarioen talde lanari buruz hitz egiteko.

Bizkaiko, Arabako eta Gipuzkoako elkarteetako

55 pertsona joan ziren.

 

Topaketa horretan aditu batek hitz egin zuen

eta 10 pertsonak euren boluntario esperientzia kontatu zuten.

 

Gainera, taldeak antolatu ziren, hainbat gai eztabaidatzeko,

adibidez, elkarteek talde lana hobetzeko

kontuan izan behar dituzten alderdiak.

Boluntarioen iritziz elkarteek

ondo ezagutu behar dituzte taldeetako kideak.

Denbora eskaini behar diete, komunikazioa hobetu

eta gauza guztietan partaidetza handiagoa izatea lortu.

“Ba al dakigu taldean lan egiten?”, galdera iradokigarri horrekin hasi zen joan den larunbatean, apirilaren 6an, FEVASeko boluntarioen IV. Topaketa. Bertan, Gipuzkoako, Bizkaiko eta Arabako erakundeetatik etorritako 55 boluntariok hartu zuten parte. Valeria García-Landarte FEVASeko zuzendariak emandako ongi etorriaren ondoren, Jose Miguel Almansa boluntariotzan adituak gogoetarako zenbait gako azaldu zituen, lankidetzan eta komunikazioan sakonduz, besteak beste.

Gai horri buruz gehiago ezagutzeko, boluntario hauek euren zuzeneko esperientzia azaldu zuten: Joaquín Llaguno eta Iñigo Amann (Gaude); Janire Ateca (Gorabide); Laura Maldonado (Apnabi- Autismo Bizkaia); Socorro Salvador (Futubide); Juan Martín (Aspace Gipuzkoa); Maialen Prieto eta Janire Muñoz (Atzegi); eta Mariola Garcia de Albeniz eta Carlos Rueda (Apdema).

Esku-hartze horiek lagungarriak izan ziren talde txikietan egindako eztabaidak bultzatzeko. Gai anitzei buruzko eztabaidak izan ziren, boluntarioen beldurrak eta motibazioak edo erakundeek, laneko taldeetan harreman egokia bultzatzeko kontuan izan behar dituzten aldagaiak. Garrantzitsuenen artean hauek daude: horiek osatzen dituzten pertsonak eta beraien interesak ezagutzea; denbora eskaintzea; harremana, komunikazioa eta prestakuntza sortzea; informazio egokia ematea; pertsona bakoitzaren heldutasuna eta inplikazioa baloratzea, taldeen egonkortasunari eustea; eta galdera gehiago egitea eta jardueren antolakuntzan gehiago inplikatzea.

FEVASentzat, boluntariotzaren aldeko apustua egitea, gizarte inklusiboagoa eta kohesionatuagoa eraikitzearen aldeko apustua egitea da.  

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies