Adimen edo garapen desgaitasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » Sin categoría » FEVAS “Teknologia Musikal Irisgarria” ikerketa proiektuarekin lankidetzan ari da

FEVAS “Teknologia Musikal Irisgarria” ikerketa proiektuarekin lankidetzan ari da

b
Irakurketa erraza
Teknologia Musikal irisgarria proiektuak helburu hauek ditu:

- Desgaitasuna duten pertsonek musikara sartzeko dituzten zailtasunak identifikatzea.

- Musika-tresna irisgarriak diseinatzea.

- Musika-ikaskuntzarako materialak eta baliabideak eskuragarri jartzea.

 

Proiektu honetan Musikene-Euskal Herriko Goi Mailako Musika Ikastegiak, FEVASek

eta Gipuzkoako 5 elkartek

hartu dute parte.

 

Adimen- edo garapen-desgaitasuna duten

19 pertsonak parte hartu dute proiektu honetan,

beren zailtasunen berri emateko.

Musika ekimen gutxitan

parte har dezaketela esan dute.

 

Proiektu hau oso garrantzitsua da,

desgaitasuna duten pertsonen aukera eta eskubideetan

aurrera egiteko balioko duelako.

Ekimen berritzailea Musika Bitartekaritza, Kudeaketa eta Zabalkundeko Masterreko (Musikene-Euskal Herriko Goi Mailako Musika Ikastegia) ikasleek garatu dute, Kultura eta Sormen Industrien KSgune klusterrarekin lankidetzan, eta adimen- edo garapen-desgaitasuna dutenei musika hurbiltzea du helburu. Lehen fasea amaituta, ikerketa honek FEVAS eta Gipuzkoako bost erakunde elkartu inplikatu ditu: Aspace Gipuzkoa, Atzegi, Donostiako Goyeneche Fundazioa, Gautena eta Uliazpi.

Ikerlanaren ondorioz, desgaitasunen bat duten pertsonek musikara sartzeko dituzten oztopoak identifikatu dira, eta merkatuan dauden musika-tresna eta -gailu irisgarriak aztertu dira. Hori guztia, irisgarritasun kognitiboaren ikuspegitik musika ikasteko baliabide metodologikoak hobetzen laguntzeko, eta gailu eta musika-tresna eskuragarriagoak diseinatzeko.

Oztopoei dagokienez, adimen- edo garapen-desgaitasuna duten 19 pertsonari egindako elkarrizketa sakonetan, agerian geratu da mugak daudela musika-prestakuntzan: normalean irakasle partikularrengana jo behar baitute; desgaitasuna duten musikariak kultura-bizitzan sartzen laguntzeko ekimen egonkor eta arautu gutxi ditute; eta ez dute Teknologia musikal irisgarriak eskaintzen dituen aukeren berri.

Ikerlan honek, tailerrak eta kontzertuak (Euskadiko Orkestra eta FEVAS) eta “Soinuen Mosaikoa” proiektua (Plena inclusión eta Orkestra Sinfonikoen Espainiako Elkartea) antolatzeak ekarri duen ikaskuntzarekin batera, adimen- edo garapen-desgaitasuna duten pertsonen aukeretan eta eskubideetan aurrera egitea du helburu.

Informazio gehiago:

https://elhuertodeideas.org/blog/5765

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies