Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » inicio » FEVASek “Gure ahotsa” sortu du, partaidetzarako foro gisa

FEVASek “Gure ahotsa” sortu du, partaidetzarako foro gisa

B
Irakurketa erraza

FEVASek adimen urritasuna duten pertsonen batzordea osatu du

beraien eskubideak bultzatzeko

eta FEVASen eta Plena inclusión Españan

duten partaidetza indartzeko.

 

FEVASek eta batzorde hori osatzen duten pertsonak

ilusioz beteta daude.

Batzordearen izena

Gure ahotsa, da.

 

Izen horrekin batzordearen helburua adierazi nahi dute,

urritasuna duten pertsonen

beharren eta nahien bozgorailu izatea.

Asteazken honetan, azaroaren 17an, FEVASek adimen edo garapen urritasuna duten pertsonek parte hartzeko beste ate bat ireki du, Gure ahotsa batzordea sortuz. Batzorde horretako kideak Carlos Rueda eta Elisa Lopez de Briñas (Apdema), Jose Villar (Futubide), Carlos Alonso (Gaude) eta Federico Gil (Gorabide) dira. Espazio hori aurrerapausoa da elkarte mugimendu osoa pertsona horien eskubideen, ahalduntzearen, auto-ordezkaritzaren eta herritartasun osoaren alde egiten ari den bidean. Ekimen honen bitartez, FEVASek aurrera egin nahi du pertsona horiek bere jardueran eta Plena inclusión Españak bultzatutako proiektuetan sartzeko.

Online formatuan egin zen lehenengo bileran, Valeria Garcia-Landarte FEVASeko zuzendariak “erakundeak hasiera honekin duen ilusioa” azpimarratu zuen, eta kideei eskerrak eman zizkien beren inplikazioagatik, denboragatik eta ahaleginagatik. Taldeko kide guztiek bat egiten dute gogo bizi horrekin, Carlos Ruedak adierazten zuen bezala, “nahi duguna defendatzeko, entzuteko, ezagutzeko eta gehiago baloratzeko” baliagarria izango dela uste dutelako.

Batzorde horren helburuak, sortzeko arrazoiak eta funtzionamenduari buruzko beste alderdi batzuk ezagutu ondoren, taldea lehen akordio batekin estreinatu zen: “Gure ahotsa” izena hartzea. Hitz horiek oso ondo laburbiltzen dituzte foro horren esanahia eta sentimendua: adimen edo garapen urritasuna duten pertsonen beharren, kezken eta nahien bozgorailu izatea.

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies