Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » Sin categoría » “Etika Gogoeta Taldeak adimen edo garapen urritasunaren erakundeetan. FEVAS Plena inclusión Euskadiren eredua”

“Etika Gogoeta Taldeak adimen edo garapen urritasunaren erakundeetan. FEVAS Plena inclusión Euskadiren eredua”

c
Irakurketa erraza

FEVASek dokumentu bat egin du

Etika Gogoeta Taldeak zer diren azaltzeko.

Elkarteek etika sustatzeko sor ditzaketen Taldeak dira.

Talde horiek hainbat funtzio dituzte elkartean;

esaterako, prestakuntza sustatzea

eta etikaren inguruko gaietan aholkuak ematea.

 

Dokumentuaren prestaketan FEVASeko 8 erakundek parte hartu dute,

eta baita Marije Goikoetxea etikan adituak ere.

 

Etika oso garrantzitsua da elkarteetan, pertsonen bizitza hobetzen duelako

eta elkartea ere hobea egiten duelako.

FEVASen “Etika Gogoeta adimen edo garapen urritasunaren erakundeetan. FEVAS Plena inclusión Euskadiren eredua”, dokumentua landu dugu, dimentsio etiko hori erakunde-kalitatearen esparruan garatu nahi duten erakundeek laguntza-tresna bat izan dezaten. Lan honek Marije Goikoetxearen (Giza Eskubideetan doktorea. Etikako irakaslea eta aholkularia. Plena inclusióneko Etika Batzordeko kidea) laguntza teknikoa izan du, eta FEVASen eta bertako kide diren 8 erakunderen arteko lankidetzaren emaitza da: APDEMA, Apnabi-Autismo Bizkaia, Aspace Bizkaia, Usoa Tutoretza Fundazioa, Futubide, Gautena, Aspace Gipuzkoa eta Uliazpi.

Talde horiek, era formalean Etika Batzorde gisa eratu gabe, ardatz horrekin bat datozen ekintzak bultzatu nahi dituzte erakundeetan: sentsibilizazioa eta prestakuntza, arlo horretako ezagutzaren kudeaketa, jardunbide egokien zabaltzea eta hedapena, eta, azken batean, ikuspegi hori eraldaketa-prozesuetan sartzearen aldeko aktibismoa sustatzea. Era berean, erakundearen eta hura osatzen duten pertsonen aholkularitza hartzen dute beren gain sor daitezkeen gatazketan.

Dokumentu honetan zehazten den gure Eredu prototipoak hauek jasotzen ditu: Talde horien funtzioak mugatzea; erakundean organo funtzional gisa integratzea; osaera, bi talde-formatu bereiziz, bata orokorra eta bestea gai espezifikoagoei heltzeko; talde horiek osatzen dituzten pertsonek bete beharreko baldintzak; eta horiek sortzeko prozesua.

Argitalpen horrek etika bultzatzearen aldeko apustua sendotzen du, erakundeetan aldaketa-eragile eta kalitatea lortzeko ezinbesteko elementu gisa.

“Etika Gogoeta Taldeak adimen edo garapen urritasunaren erakundeetan. FEVAS Plena inclusión Euskadiren eredua” 

Elkarrizketa Marije Goikoetxea, etikan adituari 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies