Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » inicio » Hezkuntza komunitateak irisgarritasun kognitiboaren aurreko interesa erakutsi du

Hezkuntza komunitateak irisgarritasun kognitiboaren aurreko interesa erakutsi du

a
Irakurketa erraza

FEVASek jardunaldi bat antolatu zuen

eskolako irisgarritasun kognitiboari buruz hitz egiteko.

Helburua irakasleak sentsibilizatzea zen

errazago irakatsi dezaten.

Material errazak egin behar dituzte eta irakurketa erraza erabili

adimen urritasuna duten pertsonek ulertzeko.

 

Jardunaldira 200 pertsona joan ziren,

ia denak irakasleak ziren.

 

Jardunaldian irisgarritasun kognitiboko aditu batek hitz egin zuen.

4 ikastetxek euren esperientzia kontatu zuten

eta 2 gaztek kontatu zuten zer gertatzen den

irakasleak ez direnean beraien beharretara egokitzen

Hezkuntzako 200 profesional eta senide baino gehiago elkartu ziren atzo Bilboko Euskalduna Jauregian, FEVASek antolatutako “Eta errazago irakasten badizugu? Eskolan, egin bat irrisgarritasun kognitiboaren erronkarekin” jardunaldian. Jakin-min izugarria sortu zuen ekitaldiaren helburua, materialak, estrategiak, metodologia, programak eta ebaluazio sistemak egokitu beharraren gainean irakasleak sentsibilizatzea zen –irisgarritasun kognitiboaren esparrutik proposatzen diren aholkuak aplikatuz– adimen urritasuna duten ikasleen ikasketa errazteko, aukera berdintasuna sustatzeko eta ume guztiek hezkuntzarako duten eskubidea egiazko bilakatzeko xedez.

Inaugurazioa Jose Luis Pastor FEVAS Plena inclusión Euskadiko Zuzendaritza Taldeko kidearen eskutik etorri zen, eta erakundeak eskubide horren defentsan egiten duen apustua azpimarratu zuen; Lucía Torrealday Eusko Jaurlaritzako Hezkuntza Berrikuntza Zuzendariak adierazi zuenez, Eusko Jaurlaritzako Hezkuntza Sailak bat egiten du erronka horrekin.

Mercedes Belinchón adituak, Madrilgo Unibertsitate Autonomoko irakasle eta “Accesibilidad cognitiva en los centros educativos” (2014) argitalpenaren egileetako batek “Irisgarritasun kognitiboa eskola barruan eta kanpoan: Arto krispetak baino ez?” izeneko esparru hitzaldia eskaini zuen. Horren ondoren, Eguzkiñe Etxabek (APNABI-Autismo Bizkaia eta FEVAS) dinamizatutako jardunbide egokiei buruzko mahaia egin zen. Eguzkiñe Etxabek berak, FEVASen “Egin bat irisgarritasun kognitiboaren erronkarekin” gidaliburua aurkeztu zuen. Konpartitu ziren esperientziak hauek izan ziren: HLHI Orozko-Harana, Eguzkibegi Ikastola, Lourdesko Ama ikastetxea eta Hezkuntza Bereziko Aldamiz Ikastetxea. Azken biek, ez egokitzearen ondorioei buruzko zuzeneko lekukotza baliotsua eman zuten. Hitz horiek eztabaida piztu eta gogoeta sortu zuten.

Amaieran, Valeria García-Landarte FEVASeko zuzendariak, gai horren garrantzia azpimarratu zuen, eta eragile guztien konplizitaterako deia egin zuen, irisgarritasun kognitiboaren erronkarekin bat egitera gonbidatuz.

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies