Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » Sin categoría » FEVAS erakundeak koronabirusaren aurrean

FEVAS erakundeak koronabirusaren aurrean

FEVAS
Irakurketa erraza

Koronabirusak asko aldatu ditu gure bizitzak.

Era berean, elkarteek, adimen urritasuna duten pertsonentzako

eta haien familientzako zerbitzuak eta laguntzak aldatu behar izan dituzte.

 

Euskadiko elkarte batzuek euren esperientzia

eta koronabirusari aurre egiteko

martxan jarri dituzten ekintzak kontatu dizkigute.

Duela aste batzuk COVID-19ak egoera larrian jarri zuen mundu osoa. Martxoaren 14an Gobernuak alarma egoera ezarri zuen. Ordutik, FEVAS osatzen duten 13 erakundeek erlojuaren kontra lan egin dute egoera berrira egokitzeko, adimen urritasuna duten pertsonei eta familiei babesa ematen jarraitzeko. Oso denbora laburrean, erakundeak berregituratu ziren, laguntza sistema aldatu zen eta zerbitzuak online formatura egokitu ziren. Eta hori bideragarria ez bazen, gizartearen esku jartzen ziren.

Donostiako Goyeneche fundazioaren kasua da, Garaguneak (Eguneko Arreta Zentroak) itxi behar izan zituen, baina lehen unetik elkartasuna eta giza baliabideak eskaini zizkieten egoitza-zerbitzuak zituzten Gipuzkoako erakundeei. Beste alde batetik, Aspace Bizkaiak, ia alarma egoera martxan jartzearekin batera, “Garuneko paralisia eta antzekoak dituzten pertsonei eta haien familiei laguntzeko protokoloa – COVID-19” jarri zuen martxan, euren egoera eta beharrak ezagutzeko.

Uliazpik ere hainbat neurri dituen dispositibo konplexua zabaldu du bere zentroetan koronabirusa geldiarazteko, Zubietan, adibidez, eta Gorabidek, bere zerbitzu nagusietako hiru berbideratu ditu: Aisialdia; Egoitzak eta Etxebizitzak; eta BBK SAIOA GORABIDE (Harrera, Informazio, Orientazio eta Laguntza Zerbitzua), arreta telematikoarekin eta online jarduerak martxan jarrita, besteak beste.

Pandemiak sortu dituen ekintzen artean, ia mota eta eremu guztietakoak egon dira. Entretenitzeko eta elkartea ikusarazteko Gipuzkoako erakundeak bultzatu duen “Atzegi tribiala” jolasak harrera bikaina izan du. Horrez gain beste batzuk gehitu behar zaizkie, Gaude elkartearen senideentzako kafe birtuala; irakurketa errazeko hainbat baliabide dituen APNABI-Autismo Bizkaiaren webgunea edo  #UnMañanaParaTodos Apdemaren kanpaina, adibidez.

ikusi Donostiako Goyeneche Fundazioaren esperientziari buruzko gehiago

ikusi Aspace Bizkaiaren esperientziari buruzko gehiago

ikusi Uliazpiren esperientziari buruzko gehiago

ikusi Gorabideren esperientziari buruzko gehiago

ikusi Atzegiren esperientziari buruzko gehiago

 

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies