eta horregatik manifestu batean jaso ditugu
adimen-desgaitasuna, garun-paralisia eta autismoaren espektroko nahasmendua
duten pertsonen aldarrikapenak.
Desgaitasuna duten pertsonek dagoeneko aurkeztu diete manifestua
alderdi politikoei 3 topaketetan:
Donostian, Bilbon eta Gasteizen.
Manifestu honek pertsona guztien parte-hartze politikorako
eskubidea aldarrikatzen du
eta alderdiek hobetzeko zein arlotan lan egin behar duten zehazten du.
Adibidez, irisgarritasunean, enpleguan, osasunean, kulturan eta bizitza independentean.
FEVASek manifestu hau eta beste zenbait ekintza egin ditu
adimen- edo garapen-desgaitasuna duten pertsonak ikusarazteko,
haien auto-ordezkaritzan eta eskubideetan aurrera egiteko
Maiatzaren 28ko Foru eta Udal Hauteskundeen esparruan, “Zer eskatzen diegu adimen-desgaitasuna, garun-paralisia eta autismoaren espektroko nahasmenduak ditugun pertsonak alderdi politikoei?” izeneko manifestuan jaso ditugu kolektibo horren aldarrikapen nagusiak. Dokumentu hau FEVAS Plena inclusión Euskadi gure elkarte-mugimendua osatzen duten erakundeetan dauden eta adimen- edo garapen-desgaitasuna duten pertsonak protagonista dituen partaidetza-prozesuaren emaitza da.
Donostian (maiatzaren 5ean), Bilbon (maiatzaren 9an) eta Gasteizen (maiatzaren 16an) egindako topaketetan alderdi nagusiei aurkeztu diegun Manifestuak agerian uzten du urratsak eman behar direla desgaitasuna duten pertsonek ordezkaritza handiagoa izan dezaten alderdi politiko guztietan. Gainera, bederatzi arlotako erronkak eta eskaerak ditu: irisgarritasuna, enplegua, osasuna, etxebizitza, hezkuntza, garraioa, justizia, kultura eta bizitza independentea.
Testu horren idazketak bat egiten du gure elkarte-sarea “Nire botoak balio du” izenburupean gauzatzen ari den beste ekintza batzuekin. Ekintza horien bidez, adimen-desgaitasuna duten pertsonen eskaerak ikusarazi nahi ditugu, eta haien auto-ordezkaritzan, eskubideetan, inklusioan eta herritartasun osoan aurrera egin.
