Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » Sin categoría » Ekarpen istorio bat

Ekarpen istorio bat

HISTORIAS
Irakurketa erraza

Joan den ostiralean Plena inclusiónek online mintegia egin zuen.

Mintegi horren helburua

adimen urritasuna duten pertsonek

gizarteari ekarpen handia egiten diotela ikusaraztea da,

baita osasun larrialdi honetan ere.

Pertsona batzuek euren esperientzia kontatu zuten,

Ivanek, besteak beste.

 

Ivanek Igualatorio Mediko Kirurgikoan (IMQ) egiten du lan.

Eskerrak eman zizkien Apnabi-Autismo Bizkaia elkarteari

eta IMQri, lan egiteko aukera emateagatik.

Ivanek bere lanaz hitz egin zuen,

eta bizi izan dituen une zailez ere hitz egin zuen.

Jendearen aurpegietan ikusten zuen tristuraz hitz egin zuen

eta kutsatzeari dion beldurraz.

Orain kutsatutako gutxiago dagoela ere esan du

eta dena hobeto doala.

Ivan Dario Henaok, osasun larrialdia hasi zenetik Zorrotzaurreko (Bilbo) Igualatorio Mediko Kirurgikoan (IMQ) langile moduan izaten ari den esperientzia partekatu du. Haren testigantza Plena inclusiónek antolatutako “Ekarpen istorioak” izeneko online solasaldiaren parte izan da. Ekimenaren helburua, COVID-19aren krisialdian adimen edo garapen urritasunen bat duten pertsonek nolako ekarpena egin duten ikusaraztea da.

Ivanek eskerrak eman dizkie APNABI-Autismo Bizkaia elkarteari eta IMQri, “historikoa” den une batean protagonista izateko eman dioten aukerarengatik, izan ere, bere lanarekin, pandemiaren aurkako borrokan bere aletxoa jartzen ari da. Gainera, “bizitza aldatu diguten” une hauetako kezkei, eta “azalean dauden emozio negatiboei” buruz hitz egin du. Azaldu duenez, aste zailak izan dira, pertsona guztien aurpegiak tristura islatzen zuelako, eta kutsatzeak direla eta, batzuetan beldurra sentitu du. Amaitzeko, alta kopurua ikusita itxaropenari atea zabalik utzi dio eta gizartearen ulermenerako deia egin du.

Elkarrizketa honetan, Hogar Si, Autismo Cádiz, Plena inclusión Aragón edo Secretariado General Gitano erakundeetako pertsonek egindako ekarpenen esperientziak ere kontatu dira. Horrez gain, Rafael Bermejo Radio Nacional de Españako (RNE) kazetariak dinamizatu duen eta hauek parte hartu duten mahai-ingurua ere egin da; Victorio Latasa Zuzendaritzari Laguntzeko Taldeko (GADIR) kide eta Once Fundazioko patronoak; Jesús Martín Giza Eskubideen eta CERMIko Konbentzioaren ordezkariak; eta Vanesa García, Plena inclusióneko Etika Batzordeko aholkulari-taldeko kideak.

Topaketa hori, Plena inclusiónek, COVID-19aren pandemiaren hasieratik abian jarri dituen eta webgunean kontsulta daitezkeen ekintzen, materialen eta baliabideen barruan dago.

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies