Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » inicio » Sareen Sareak, covid-19ak gizartean izan duen eraginari aurre egiteko estrategia planteatu du

Sareen Sareak, covid-19ak gizartean izan duen eraginari aurre egiteko estrategia planteatu du

vacuna sareen
Irakurketa erraza

Sareen Sarea osatzen duten erakundeek

koronabirusaren krisiari aurre egiteko

neurriak dituen dokumentua egin dute.

 

Dokumentu horrek esaten du elkarteek

eskari guztiei erantzuteko baliabideak izan behar dituztela,

eta funtsezkotzat hartu behar direla.

Krisi honetatik irteteko administrazioaren eta elkarteen

arteko elkarrizketa beharrezkoa dela ere esaten du.

 

Dokumentu horretan inor atzean ez geratzeko

neurriak ere proposatzen ditu.

 

Dokumentu horrez gain,

Sareen Sareak kanpaina bat hasi du

gizarteak bere lana ezagutu dezan.

FEVAS kide den Sareen Sarea elkarte sareak, dokumentu bat bidali die duela denbora gutxi Eusko Jaurlaritzari eta alderdi politikoei, Covid-19aren krisiak Euskadiko gizarte erakundeetan izan dituen ondorioei aurre egiteko duen estrategia zehaztuz. Estrategiak agerian uzten du testuinguru horrek zer eragin izan duen Euskadiko Hirugarren Sektore Sozialeko erakundeetan eta hartzaileengan, eta, gainera, ondorio negatiboak arintzeko proposamen sorta zehazten du.

Hirugarren Sektore Sozialaren eskarien artean hauek nabarmentzen dira, besteak beste: erakundeei behar dituzten baliabideak ematea egoera korapilatsu horri erantzun ahal izateko; gizarte sektorea pandemiaren kudeaketan funtsezko zerbitzu gisa aitortzea; eta autonomia, foru eta toki gobernantzako maila guztiekin elkarrizketa zibila izateko konpromisoa.

Egoera zaurgarrienean dauden pertsonei eta kolektiboei dagokienez, garapen sozial eta jasangarri bidezkoagoa, ekitatiboagoa, sustatzeko oinarrizko printzipioetan oinarritutako hogei neurri inguru helarazi ditu. Sareen Sarearen planak ez du inor atzean utzi nahi; horregatik, azpimarratu du gizarte-babesa behar duten pertsona eta familia guztiek sarbide egokia izan behar dutela hirugarren sektoreko erakundeek eskaintzen dituzten gizarte arloko prestazioetarako.

“Pandemiaren aurkako txerto soziala gara” goiburupean abian jarri duen gizarte sentsibilizazioko kanpainaren bitartez, Sareen Sarea estrategia hori zabaltzen eta Hirugarren Sektore Sozialak krisialdian duen eginkizuna aldarrikatzen ari da.

Informazio gehiago

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies