Eusko Jaurlaritzako Berdintasun, Justizia eta Gizarte Politiketako Sailak bultzatutako eta berriki onartutako “Desgaitasuna duten Pertsonentzako Justiziarako Sarbiderako Plana 2023-2027” izenekoak hauek osatutako kontraste-taldea izan du prestatzeko orduan: Epailetzako, Fiskaltzako eta Abokatutzako, Prozesadoretza Elkargoetako eta Gizarte Graduatuetako ordezkariak, Eusko Jaurlaritza, Aldundiak eta Eudel, bai eta desgaitasunaren eremuko Hirugarren Sektore Sozialeko hainbat sare ere, horien artean FEVAS Plena Inclusión Euskadi.
Plan hori 2022-2028 Justizia Plan Estrategikoaren barruan dago, eta desgaitasuna duten pertsonek justiziarako sarbidea modu eraginkorrean eta gainerako herritarren baldintza berberetan izango dutela bermatzeko bidean aurrera egitea du helburu. Horretarako, 13 proiektutan zehazten diren 4 ildo estrategiko zehazten ditu: justiziarako sarbidea, egoitza judizialetarako sarbidea, prozeduretarako sarbidea eta ezagutza. Horien artean, batzuk irisgarritasun unibertsala sustatzearekin, figura bideratzailearen garapenarekin eta Justiziako profesionalen prestakuntzarekin eta sentsibilizazioarekin erlazionatuta daude. FEVASek arreta berezia jarri zuen horietan.
FEVAS Plena Inclusión Euskadiren iritziz, Plan hori aurrerapausoa izango da adimen-desgaitasuna, garun-paralisia eta autismoaren espektroko nahasmenduak dituzten pertsonen eskubideetan, askotan pertsona horien beharrak kontuan hartu ez dituen Justiziaren eremuan.
