Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Euskadiko hezkuntza komunitateak bat egin du hezkuntza arloko inklusioaren erronkarekin

b

Profesionalak, familiak, administrazioa eta ikasleak, 110 lagun baino gehiago guztira, bildu ziren atzo Bilboko Itsas Museoan, FEVASek antolatutako “Hezkuntza inklusiboa, egin bat erronkarekin” jardunaldian parte hartzeko. Topaketa horretan, hezkuntza komunitateak ume guztien aukera berdintasunean aurrera egiteko hausnarketa eta jardunbideak partekatzeko aukera izan zuen.

Inaugurazio ekitaldian hauek hitz egin zuten: FEVASeko presidente Hugo Barojak, “Eskola eredu hori indartzea funtsezkoa da gizarte inklusiboagoa, bidezkoagoa eta kohesionatuagoa lortzeko”; Juan Carlos Andueza ONCEko lurralde ordezkariak, “topaketa honen ondorioak aldaketan islatuta ikusi nahiko lituzkeela” adierazi zuen; eta Lucía Torrealday Eusko Jaurlaritzako Hezkuntza Berriztatzeko zuzendariak, zenbait alderditan sakontzen jarraitu beharra azpimarratu zuen, “familiekin izan beharreko komunikazioan, profesionalen arteko lankidetzan edo ikasleen partaidetza handiagoan”, besteak beste.

“Repasando los derechos” izeneko hitzaldi nagusia Inés de Araoz Sail Juridikoko koordinatzailearen eskutik etorri zen, eta nabarmendu zituen puntuen artean, hezkuntza eskubide gisa, laguntzak eta jarrera positiboak sustatzeko formulak azpimarratu zituen. “Remando en la mismo dirección: hacia una cultura inclusiva” izenburuko lehenengoan Lorea Aretxagak (Bizkaiko Hezkuntza Berrikuntza), Ana Luisa Lópezek (EHU-UPV), Arantxa Etxebarriak (Leioako San Bartolome Ikastetxea) eta Victoria Hernandorenak (APNABI-Autismo Bizkaia) hartu zuten parte. “Nuestra opinión sobre la inclusión educativa. Testimonios del alumnado” izeneko bigarren mahaian Marian Murua, Aitor Fernandez eta Gabriela Tena aritu ziren.

Ekitaldiaren amaieran, Valeria García-Landarte FEVASeko zuzendariak, inklusioarekiko konpromisoa berretsi zuen, eta FEVASek hezkuntza inklusiboari buruz argitaratutako material guztiak webgunean daudela gogorarazi zien bertaratutakoei.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies