Skip links

Adimen- edo garapen-desgaitasuna duten Bizkaiko pertsonek alderdi politikoei aurkeztu dizkiete euren aldarrikapenak

Maiatzaren 28ko hauteskundeen testuinguruan, adimen-desgaitasuna, garun-paralisia eta autismoaren espektroko nahasmenduak dituzten pertsonek Sergio Murilloren (EAJ-PNV), Iker Casanovaren (EH-Bildu), Juan Oterminen (PSE-EE), Eneritz de Madariagaren (Elkarrekin Podemos) eta Raquel Gonzalezen (PP) aurrean hitz egin dute euren aldarrikapenak aurkezteko. Gainera, alderdi politiko horietako bakoitzari desgaitasunaren arloan gauzatu asmo dituzten proposamen eta neurriei buruz galdetu diete.

Topaketa, Valeria García-Landarte FEVAS Plena inclusión Euskadi Zuzendari-gerentearen ongietorriarekin hasi da, eta Gaudeko Carlos Alonsok, Apnabi-Autismo Bizkaiako Ane Lorentek, Gorabideko Amaia Belmontek, Futubideko José Miguel Cassik, eta Aspace Bizkaiako Amaia Sesmak irakurri duten “Zer eskatzen diegu adimen-desgaitasuna, garun-paralisia eta autismoaren espektroko nahasmenduak ditugun pertsonak alderdi politikoei?” Manifestuaren irakurketarekin jarraitu du. Ondoren, alderdiek euren proposamen nagusiak azaldu dituzte eta bertaratutakoek galderak egiteko txanda ireki da.

“Nire botoak balio du-Mi voto cuenta” izeneko topaketarekin, FEVAS Plena inclusión Euskadi elkarte-mugimenduak, desgaitasuna duten pertsonei ikusgaitasuna emateaz gain, haien auto-ordezkaritzan eta oinarrizko eskubideetan aurrera egin nahi du, parte-hartze politikoan, etxebizitzan, enpleguan edo irisgarritasun kognitiboan, besteak beste.

Topaketa horrez gain, FEVAS Plena inclusion Euskadik antzeko beste topaketa bat egingo du Gasteizen maiatzaren 16an.

 

Artículos relacionados





    Ver Política de privacidad

    Skip to content