Gautena da Plena inclusión-ek Erabateko Kalitate Sistemaren Bikaintasun etapan akreditatu duen Estatuko lehenengo erakundea.
“Aintzatespen honek pertsonen bizitza kalitatean dugun eragina eta gure erakundearen konpromiso etikoa balioztatzen du”
Amaia Lopetegui
Zer esan nahi du GAUTENArentzat akreditazio horrek eta lortzen lehena izateak?
Harro egoteko modukoa da Plena Inclusión-ek ziurtagiri hori ematea, bi arrazoi direla eta. Lehenbizi, gure kudeaketa eredua akreditatzeaz gain, pertsonen bizitza kalitatean dugun eragina eta erakundearen konpromiso etikoa balioztatzen dituelako, eta hori are garrantzitsuagoa da. Hiru alderdi horiek nuklearrak dira gure xedean, eta horregatik ematen diogu balioa akreditazioari. Bigarrenez, aintzatespena Plena Inclusión-etik etortzeak balio gehigarria ematen dio, prozesu osoan erakutsitako kaudimenarengatik eta seriotasunarengatik, eta erakundearekin dugun lotura historikoarengatik.
Zein da erakundeko kulturan aurrera eramandako eraldaketa garrantzitsuena, aintzatespena lortu ahal izateko?
Gautenak hogei urte baino gehiago daramatza kalitate prozesuetan murgildurik eta, ondorioz, nik esango nuke erakundearen eraldaketa etengabea izan dela ordutik. Argi eta garbi daukagu gure xedearen, ikuspegiaren eta balioen arabera jardun behar dugula, eta kalitate ereduak, gure printzipioei eta helburuei leial izaten lagunduko diguten neurrian erabili behar ditugula. Kasu honetan, Erabateko Kalitate eredua bat dator gure filosofiarekin eta, horregatik, eraldaketa naturala izan da, eta, batez ere, gure jarduketa irizpideetan sakontzen lagundu digu.
Zer esan nahi du bikaintasun mailako kalitatea duen erakundea izateak?
Barrura begira, egiten dugunari eta egin nahi dugula esaten dugunari koherentzia eta jarraipena ematen laguntzen digu. Iraunkorrak izaten laguntzen digu, eta zorroztasuna ematen die gure diskurtsoari eta gure printzipioen aplikazio praktikoari. Kanpora begira, hirugarrenen (administrazioak, gizartea, etab.) aurrean, Kalitatearen, esanahi zabalenean ulertuta, alde dugun bokazioa erreala dela eta kaudimen handiko erakunde batek, Plena Inclusión-ek, balioztatzen eta abalatzen duela erakusten laguntzen digu.
Aintzatespen garrantzitsu hori lortu ondoren, zer geratzen da egiteko?
Argi eta garbi daukagu gure helburua ez dela aintzatespena lortzea, gure pertsonak, gure familiak eta gure profesionalak baizik. Aintzatespenak gure maila eta gure auto-exijentzia gorant bultzatzen duten gertakariak dira, beste gauza batzuen artean, tentsio positiboa sartzen dutelako erakundean. Bikaintasunerako gure bidea balioztatzen dute eta hobeago bilakatzen gaituzte. Beraz, geratzen zaiguna, Plena Inclusión-i eta bere inguruari akreditazioa eta eman diguten laguntza guztia eskertzea da; gure profesionalei, familiei eta pertsonei gure aintzatespena ematea, beraien lanarengatik eta dedikazioarengatik; eta hortik aurrera, gure lana aitortua dela jakiteak sortzen digun harrotasunarekin, baina, aldi berean, ikasteko eta hobetzen jarraitzeko asko daukagula jakitearen umiltasunarekin, lanean jarraitzea.
