Adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkartea gara

Home » Sin categoría » “Guk ere bai”, Uliazpi

“Guk ere bai”, Uliazpi

b
Irakurketa erraza

Uliazpik GUK ERE BAI izena duen

esperientzia bat du.

 

Esperientzia horren helburua,

adimen urritasuna eta laguntza premia handiak

dituzten pertsonak boluntario izatea

eta komunitatean parte hartzea sustatzea da.

 

Pertsona horiek jarduera hauetan hartzen dute parte:

-Udaletxe bateko materialak birziklatzea eta kentzea.

-Elikagaien bankuan laguntzea.

-Hipika batean zaldiak garbitzen laguntzea.

-Egoitza batean dauden adinekoak bisitatzea.

-Auzo bateko baratzean laguntzea.

-Egoitzetara edo eskoletara abestera doan abesbatza batean parte hartzea.

-Nekazaritza eskola bateko landareak azokako postu batean saltzea.

 

Jarduera horiek erakusten dute

pertsona guztiek har dezaketela parte gizartean,

“Inklusioa ereiten” epigrafean, kide diren elkarteek gauzatutako jardunbide egokiak bildu ditu FEVASek, elkarte mugimenduak eta urritasunen bat duten pertsonek gizarte inklusiboagoa eraikitzeko izan duten eginkizun erabakigarriari balioa emateko. Esperientzia eraldatzaile horietako bat Uliazpiren “GUK ERE BAI” da. 

Ekimen horien bidez, Uliazpik erakusten du adimen urritasuna eta laguntza premia handiak dituzten pertsonek boluntario gisa ere ekarpenak egin ditzaketela beren komunitatearen garapenean. “Eta askoz hobeto, gainera, ekarpen hori pertsonek beren plan pertsonaletan aurreikusten dituzten ametsekin eta lehentasunekin lotuta badago”, argitu du Pako Mendizabal Uliazpiko Koordinatzaile Psikopedagogikoak. 

Hori kontuan hartuta, Uliazpi zentroa erabiltzaileek boluntariotzako eta komunitate ekarpeneko hainbat jardueratan parte hartzea sustatzen ari da, hauetan, besteak beste: udaletxe bateko eta okindegi bateko materialak birziklatzea eta kentzea; taberna bateko terrazako mahaiak prestatzea eta beste zeregin sinple batzuk egitea; elikagaien bankuan produktuak biltzea eta sailkatzea; hipika batean zaldiak garbitzen laguntzea; egoitzan dauden adinekoak bisitatzea; auzo bateko baratze komunitarioan, enpresa bateko negutegian edo bizilagun baten usategian laguntzea; musika abesbatza batean parte hartzea egoitzetara edo eskoletara bisitak eginez; eta nekazaritza eskola bateko landareak azokako postu batean saltzea.

Rafael Ruiz de Garibaik, abesbatzan abesten duen pertsonetako batek, jardunbide horren balioaren testigantza ematen du: “Abestea gustatzen zait, jendearekin hitz egitea, jatorra izatea eta abesbatzako jendearekin ongi konpontzea. Asko gara jada, eta hainbat tokitara joaten gara kantatzera. Emanaldiak eta musika gustatzen zaizkit”. 

GUK ERE BAI, zailtasun larriak eta laguntza premia handiak dituzten pertsonak ere beraien komunitatean presente egon daitezkeela eta parte hartu eta lagun dezaketela erakusten duen adibidea da.

Argazkiak: Uiazpi

 

Share

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies