Donostiako Zinemaldiaren barruan, FEVASeko kide diren erakundeetako
400 pertsona Anoetako Belodromora joango dira biharMorena Films ekoiztetxeak gonbidatuta, Javier Fesserren “Campeones” filmaren emanaldira eta, filmaren ondorioz sortu den eta filmaren ondoren eskainiko den “Ni Distintos ni Diferentes, Campeones” dokumentalaren nazioarte mailako estreinaldira.
Dokumentala ez da filmaren making of bat, eta “Campeones” filmeko antzezleen historia erreala kontatzen du, filma errodatzen ari ziren bitartean. Adimen urritasuna duten eta eurentzat “diseinatuta” ez dagoen gizarte batean bizitzearen erronka lehen pertsonan kontatzen duten bederatzi pertsonaren bizitzara hurbiltzen da.
“Campeones” ia fenomeno sozial bilakatu da. Hiru milioi ikus-entzule baino gehiagorekin, 2018an txarteldegian diru gehien batu duen filma izan da eta, horrez gain, Zine Akademiak Oscar Sarietan Espainia ordezkatzeko aukeratua izan da, ingelesa ez den beste hizkuntza batean egindako film onenaren kategorian.
FEVASen iritziz, ikus-entzunezko horiek oso baliagarriak dira, umoretik, adimen urritasuna ikusgai bilakatzeko, dauden estereotipoak eta aurreiritziak gainditzeko eta, azken finean, gizartea eraldatzeko.
