Carlos Rueda, Euskadiren ordezkaria Plena inclusión Plataforman.
Joan den irailaren 24an, Toledon, adimen- edo garapen-desgaitasuna duten pertsonen estatuko Plataforma aurkeztu zen. Plataforma hori Plena inclusión elkarte-mugimenduak sortu zuen, kolektibo horren ahalduntzea eta bere burua ordezkatzeko gaitasuna indartzeko. Carlos Ruedak, Euskadik plataforma horretan duen bi ordezkarietako batek, bere esperientziaren berri eman du.
Desgaitasuna duten Pertsonen Estatuko Plataforma
ofizial egin da dagoeneko.
Plataformako pertsonak eta Plena inclusión-eko
profesionalak ezagutzeak
ilusio handia egin zidan.
Horiei aurpegia jartzeak baikortasunez bete ninduen.
Niretzat pozgarria da APDEMAko eta FEVASeko
nire kideak ordezkatzea.
Pozik nago nitaz fidatzen direlako,
beren iritziak, zalantzak eta kezkak jaso
eta Plataformara eramaten ditudalako.
Toledon harro sentitu nintzen
Euskadiko eta Espainia osoko adimen-desgaitasuna duten pertsonak ordezkatu ahal izateagatik.
Irudi Sozialeko tailerrean ere hartu nuen parte.
Adimen-desgaitasuna duten pertsona batzuek beren esperientzia kontatu zuten.
Oso testigantza gogorrak eta errealistak izan ziren.
Nik ere ezagutzen ditut gaizki pasatu duten pertsonak,
ez dituztelako baloratzen
eta baztertuta sentitzen direlako.
Esperientziak merezi izan duela uste dut.
Oihartzun handia izan du
eta gizartean ezagutzera emateko balio izan du.
Orain pentsatu behar dugu nola aurkeztuko dugun
Plena inclusión-eko Plan Estrategiko berria,
eta beti daude gauzak buruan.
Gauza asko egin ditzakegu.
Uste dut Plataformak gu gehiago entzuteko balioko duela.
Espainia osoko agintariek,
Gobernuak, erakundeek eta udalek entzun behar digute.
Ezagutu egin behar gaituzte,
ikus dezatela gure burua ordezkatu
eta beraiekin eztabaidatu dezakegula.
