Adimen-desgaitasuna duten Apdema, Atzegi, Gorabide eta Gaudeko 90 pertsona baino gehiago bildu ziren larunbat honetan Gasteizko Europa Jauregian, FEVAS Plena Inclusión Euskadik eta Apdemak antolatutako Autokudeatzaileen 18. Topaketan parte hartzeko. Jardunaldian, parte-hartzaileek kolektiboa bereziki kezkatzen duen gai bati buruz hausnartu zuten: nahi ez den bakardadea eta komunitatean parte hartzeko aukera faltak sentimendu hori nola areagotu dezakeen.
Topaketa Gasteizko Udalaren eta Eusko Jaurlaritzaren laguntzarekin, eta “Ai, nire bakardadea! Inklusioa eta parte hartzea nahi ez den bakardadeari aurre egiteko tresna gisa” lelopean egin zen. Aurkezpena Carlos Ruedak eta Elisa Lopezek egin zuten, Apdemako autokudeatzaileen ordezkari gisa, eta ongietorri instituzionala Carlos Errasti Apdemako presidenteak eta Valeria García-Landarte FEVASeko zuzendariak eman zuten.
Talde lanean, parte-hartzaileak bat etorri ziren nahi ez den bakardadea adimen-desgaitasuna duten pertsona askoren eguneroko errealitatearen parte dela esatean. Azpimarratu zuten gizarte inklusiboagoa eta parte hartzeko irekiagoa izateak isolamendu hori murrizten eta lotura komunitarioak sendotzen lagunduko lukeela.
FEVASen iritsiz, bakardadeari heltzeak erronka garrantzitsuak dakartza, besteak beste, topaguneak sortzea, laguntza pertsonalizatuak sustatzea eta ingurune benetan irisgarriak bermatzea.
Gaudek lagatako argazkia
