Musikazaleak 2024ko urrian hasi genuen proiektua da,
adimen- edo garapen-desgaitasuna duten pertsonei musika hurbiltzeko.
Horretarako, musika-tailerrak egiten ditugu Bilbon, Donostian eta Gasteizen.
Tailer horietan desgaitasuna duten 43 pertsonak parte hartzen dute
Euskadiko Orkestraren proiektu bat da, FEVASekin lankidetzan.
Proiektua ekainean amaituko da,
parte-hartzaileek beren lana erakutsiko duten emanaldi batekin.
Hauek izango dira emanaldiak:
• Ekainaren 5ean, Bilbon
• Ekainaren 11n, Donostian
• Ekainaren 13an, Gasteizen
• “Tailer honek sentiarazten dit inoiz egingo ez nituzkeen gauzak egin ditzakedala” , Najwa Dieguez (Muzikazaleak proiektuan parte hartzen)
• “Elkarte desberdinetako pertsonekin partekatu ahal izatea da gehien gustatzen zaidana” Asier Pérez Asier Pérez (Muzikazaleak proiektuan parte hartzen)
Yamel Romerori egindako elkarrizketaren laburpena.
Yamel oso pozik dago proiektu honekin.
Parte-hartzaile guztiek
gaitasun artistiko asko dituztela esan du.
Bere iritziz, garrantzitsua da
desgaitasuna duten pertsonek
adierazteko eta musikarako duten talentua
garatzeko espazioak izatea.
Musika tailerretan, Yamel pertsona bakoitzera egokitzen da.
Bakoitzari begiratu eta bere sormena indartzen du.
Era berean, azpimarratu du laguntzaileek funtsezko zeregina dutela,
eta inplikatu egin behar dutela musika tailer inklusiboagoa sortzeko.
Yamelek azpimarratzen du desgaitasuna duten pertsonek
kulturarako eta
kultura sortzeko eskubidea dutela.
Adibidez, abesti berri baten letra asmatzeko.
Yamelek uste du ikus-entzuleek desgaitasunen bat duten pertsonen
artea baloratu behar dutela.
Agian ez dute primeran kantatuko,
baina artea ez da perfekzioa,
emozioa eta sormena baizik.
Kontserbatorioetan eta musika eskoletan
musika inklusiboko espazioak aldarrikatzen ditu,
desgaitasuna duten pertsonek
musikarako gaitasunak garatu ahal izan ditzaten.
Yamelek dio proiektu honek aberastu egin duela pertsona gisa,
beti ikasten du zerbait parte-hartzaile bakoitzarengandik.
Yamelek jarduera asko egiten ditu
desgaitasuna duten pertsonei musika hurbiltzeko.
Musikazaleak ez ezik,
Musikando proiektuaren zuzendaria ere bada.
Eta uztailean, Donostiako Jazzaldian joko du
desgaitasunen bat duten eta ez duten pertsonek osatutako
Los Diversos taldearekin.
