Partaide garen Sareen Sarea erakundeak, Euskadiko Gizarte arloko Hirugarren Sektorea parte den Erakundeen arteko Batzordeak maiatzaren 3an sinatu zuen Etxerik gabeko Pertsonentzako 2018-2021 Euskal Estrategia bultzatzeko adierazpen instituzionalarekin bat egitea erabaki du.
Adierazpen hori, azken hilabeteetan etxerik gabeko pertsonek jasan dituzten erasoen aurreko erantzuna da.
Etxerik gabeko Pertsonentzako Euskal Estrategiaren Jarraipen Batzordea osatzen duten erakunde publikoek eta gizarte ekimeneko erakundeek euren erabateko gaitzespena erakusten dute ekintza horien aurrean, eta etxerik gabeko pertsonen kontrako intolerantzia, gorrotoa eta mespretxua salatzen dituzte. Gorroto delitu horiek giza eskubideen zapalkuntza nabarmena dira.
Adierazpenaren sinatzaileen iritziz ezinbestekoa da biztanle guztiak eta erakunde publikoak etxerik gabeko pertsonen kontrako gorroto delituen aurrean sentsibilizatzea, eta baita gizarte arloko erakundeen prebentziozko lana –koordinatua eta bateratua–, laguntzarako baliabideak eta polizia indarrak indartzea ere.
Informazio gehiago sareen Sarean
Argazkia: Irekia
