Adimen urritasuna duten pertsonen zaurgarritasun bereziak eta errealitate konplexu horri buruz gogoeta egiten lagunduko duten material egokituak egiteko beharrak bultzatuta, Euskal Federazioak “Hablamos de maltrato” gida argitaratu du Irakurketa Errazean. Gida horren bitartez, adimen edo garapen urritasuna duten pertsonak gai horren gainean sentsibilizatzen eta prebentzioan lagundu nahi da
Gida hori egiteko, batez ere profesionalei zuzenduta zegoen federazioaren “El enfoque ético del maltrato a las personas con discapacidad intelectual y del desarrollo” argitalpena hartu da erreferentzia gisa. Laburtuta eta Irakurketa Errazera egokituta dagoen bertsio honi esker, adimen urritasuna duten pertsonek eta laguntzako langileek egoera batzuk identifikatzeko eta gehiegikeria batean ager daitezkeen elementuak ulertzeko aukera izango dute.
Edukiari dagokionez, gida zazpi ataletan egituratzen da. Atal horietan, beste gai batzuen artean, tratu txarraren definizioa, tipologia, tratu txarrak gerta daitezkeen lekuak eta tratu txarren eragileak lantzen dira. Hobeto ulertzeko eta debatea bultzatzeko kasu batzuen adibideak ematen dira.
Argitalpen horrek finkatu egiten du gizarte hobea lortzeko eta irisgarritasun kognitiboa adimen urritasuna duten pertsonen eskubideetan, erabateko herritartasunean eta gizarteratzean aurrera egiteko tresna gisa bultzatzeko FEVAS Plena inclusión Euskadik duen estrategia.
Gida Fevasen webgunean dago eskuragai.
IRAKURKETA ERRAZA
“Hablamos de maltrato” gida argitaratu dugu Irakurketa Errazean,
sentsibilizatzeko eta tratu txarrak prebenitzeko helburuarekin.
Gida hori, profesionalentzat argitaratu genuen
liburu baten egokitzapena da.
Gidak tratu txarrak zer diren, tratu txar motak,
gertatzen diren lekuak, tratu txarrak eragiten dituzten pertsonak… aipatzen ditu.
Ideiak ulertzen laguntzen duten
adibide errazak ere badaude.
Gida horrek eskubideetan aurrera egiten eta
