Uztailaren 23ko hauteskunde orokorren aurrean, adimen- edo garapen-desgaitasuna duten pertsonek “Zer eskatzen diegu adimen-desgaitasuna, garun-paralisia eta autismoaren espektroko nahasmendua ditugun pertsonak alderdi politikoei?” manifestuan jasotzen diren aldarrikapenak gogorarazi dizkiete alderdi politikoei. Dokumentu hori maiatzean aurkeztu zitzaien alderdi politiko nagusiei, Foru eta Udal hauteskundeak zirela-eta. Gure elkarte-mugimenduko desgaituen inplikazio aktiboa izan zuen partaidetza-prozesu baten emaitza da.
Manifestuak, adimen- edo garapen-desgaitasuna duten pertsonen eskubideetan eta gizarteratzean aurrera egiteko alderdi politikoek kontuan hartu beharko lituzketen hainbat arloko (enplegua, osasuna, hezkuntza, etxebizitza, aisialdia, bizimodu independentea, garraioa) eskaerak biltzen ditu.
