FEVASek amaitu du adimen-desgaitasuna duten pertsonei eta haien familiei laguntza ematen dieten erakundeetan Familian Oinarritutako Ikuspegia ezartzen aurrera egiteko Deustuko Unibertsitateko María Villaescusa eta Garazi Yurrebasorekin batera gauzatutako pilotajea.
2025eko martxoan hasi zen prozesuari esker, parte hartzen duten erakundeek euren antolaketa praktika ebaluatu ahal izan dute hausnarketa partekatuaren bidez, pixkanaka Familian Oinarritutako Ikuspegira egokitu ahal izan dute, ikuspegi horrekin koherentea den laguntza emateko eredua eraikitzeko ezagutza sortu ahal izan dute, eta erakundeetan zabaltzen laguntzeko tresnak ezagutu ahal izan dituzte.
Hilabete hauetan zehar, FEVASeko kide diren sei erakundek (Uliazpi, Aspace Gipuzkoa, Apdema, Aspace Bizkaia, Apnabi-Autismo Bizkaia eta Gaude) autoebaluazioa osatu dute Plena inclusiónen ““Autoevaluación para servicios y organizaciones” tresnarekin, eta elkarrekin lan egin dute esperientziak kontrastatzeko eta eraldaketa eredu horretara bideratuko duen ezagutza praktikoaren eraikuntzan aurrera egiteko.
Abenduaren 11n FEVASen egoitzan egindako itxiera-saioan, taldeak erakunde bakoitzaren emaitzak aurkeztu eta bakoitzaren Hobekuntza-planak azaldu ditu. Jardunaldian, halaber, Beatriz Vegak, Plena inclusión Españako familien programaren arduradun eta gai horretan adituak, hartu zuen parte.
María Villaescusa Proiektuaren koordinatzaile teknikoak oso positibotzat jo du proiektuaren garapena, eta nabarmendu duenez «prozesu aberasgarria izan da. Erakundeek inplikazio handia eta eraldatzeko borondatea erakutsi dute. Parte hartu duten erakundeek erakutsitako konpromisoa funtsezko bultzada da ikuspegi hori Euskadin zabaltzeko».
FEVAS Plena inclusión Euskadin azpimarratzen dugu Familian Oinarritutako Ikuspegia funtsezkoa dela laguntzak hobetzeko: familiak erdigunean jartzen ditu, adimen- eta grapen-desgaitasuna duten pertsonen bizitzan duten funtsezko rola aitortzen du, eta euren
