Adimen- eta garapen-desgaitasuna duten pertsonak bizi diren bost etxetatik hiruk zaurgarritasun sozial eta ekonomikoren bat dute, Plena inclusión Españak Alcaláko Unibertsitatearekin lankidetzan argitaratutako ikerketaren arabera.
Ikerketaren arabera, Estatuan 407.285 etxetan daude adimen- edo garapen-desgaitasuna duten pertsonak, eta horietatik % 6,3 premia egoera larrian daude.
Txostenak ondorioztatzen du zaurgarritasuna ez dela soilik desgaitasunaren ondorio, hainbat faktoreren konbinazioa baizik. Horien artean hauek nabarmentzen dira: diru-sarrera egonkorrik ezak eragindako pobrezia-arriskua, gehienbat emakumeen gain uzten den zainketen gainkarga, gizarte-isolamendua, laguntza-premia handiak eta familien zahartzea.
Gainera, etxe horien % 40 inguruk lotura komunitario urriak dituzte, eta horrek larriagotu egiten ditu bazterketa-egoerak, eta zaildu egiten du baliabideak eta laguntzak eskuratzea.
Azterlan horren bidez, Plena inclusión Españak milaka familiak bizi duten errealitatea ikusarazi nahi du, eta bizitza duina eta inklusiboa bermatzeko politika publikoak hobetzeko eta gure elkarte-mugimenduaren erantzunak indartzeko ebidentziak erakutsi.
Informazio gehiago HEMEN
