FEVASek, beste behin, Bide, Ubide eta Portuetako Ingeniarien Elkargoak antolatutako Inguruneko Irisgarritasun Unibertsalari buruzko Ikastaroan parte hartu du, Euskadin irisgarritasun unibertsalari eta diseinu inklusiboari buruzko erreferentziazko prestakuntzan, hain zuzen ere. Honekin dagoeneko hiru ediziotan lagundu dugu, irisgarritasun kognitiboan dugun esperientzia eskainiz.
Ikastaroak ingurune inklusiboagoak sortzeko ikuspegi integrala eskaintzen du, eta ingurunearen diseinuarekin, plangintzarekin eta kudeaketarekin lotutako hainbat arlotako profesionalei dago zuzenduta. Prestakuntza online formatuan ematen da, eta José Antonio Juncà Bide, Ubide eta Portuetako ingeniari doktoreak zuzentzen du.
Ekimena, Eusko Jaurlaritzako Lurralde Plangintza, Etxebizitza eta Garraio Sailari atxikitako organoa den ISEK – Irisgarritasuna Sustatzeko Euskal Kontseiluaren barruan egindako Irisgarritasun Unibertsalaren Euskal Estrategiaren barruan dago. Estrategia horretan eta Ekintza Planean jasotako helburu nagusietako bat prestakuntza espezializatua sustatzea da, eremu guztietan ingurune irisgarrietarantz aurrera egiteko funtsezko tresna gisa.
Testuinguru horretan, FEVASek ikastaroaren hiru edizioetan lagundu du, eta inguruneari eta adimen- edo garapen-desgaitasuna duten pertsonei, irakurketa errazeko dokumentuen diseinuari eta irisgarritasun unibertsalaren funtsezko zati gisa garraio irisgarriak duen garrantziari buruzko prestakuntza eman du.
FEVASen iritziz, lankidetza hori bereziki garrantzitsua da, profesionalen prestakuntzan irisgarritasun kognitiboa sartzea sustatzeko aukera ematen duelako, horrela, adimen-desgaitasuna, garuneko paralisia eta autismoaren espektroko nahasmenduak dituzten
