FEVASek Barakaldoko LHIIko Komunikazio Bitartekotzako Goi Mailako ikasleei zuzendutako adimen- edo garapen-desgaitasunari eta irisgarritasun kognitiboari buruzko prestakuntza-jarduera batean hartu du parte. Apirilaren 24an egindako lehenengo saioan adimen- edo garapen-desgaitasunaren kontzeptuan, Eskubideen Ereduan eta pertsona bakoitzarengan oinarritutako ikuspegian sakondu dugu. Maiatzaren 2an egindako bigarrenean, irisgarritasun kognitiboa zer den argitu dugu, eta arreta berezia jarri dugu irakurketa errazean, informazioa eskuragarri eta irisgarri jartzeko metodologia gisa.
Etorkizunean, ikasle horiek funtsezko zutabe izango dira komunikazio-zailtasunak dituzten pertsonak gizarteratzeko eta haien eskubideak baliatzeko orduan. Hori dela eta, FEVAS Plena Inclusión Euskadin oso positibotzat jotzen dugu Barakaldoko LHIIk eskaini digun aukera: gure esperientzia eta zenbait baliabide eta estrategia partekatzea, datozen urteetan komunikazio-bitartekotzako profesionalen esku-hartzea errazteko.
