https://www.youtube.com/watch?v=NYJi9IEIm3c
Une honetan, Plena inclusión elkarte higikundea zerbitzuak eraldatzeko prozesuan murgilduta dago. Horrela, Berta Gonzálezek adierazten du erakundeak “ditugun zerbitzuetatik nahi ditugunetara doan bidaia egiten adi direla: inklusiboagoak eta pertsonengan zentratuak”. Bere iritziz, ibilbide hori hasi nahi duten erakundeek ezaugarri hauek izan behar dituzte: “eraldaketarako borondatea izatea, adimen urritasuna duten pertsonak eta haien familiak ere barne hartuko dituen lidergo anitzaren aldeko apustua egitea eta, azkenik, urritasunaren ‘burbuilatik’ kanpo ere aliatuak bilatzea”.
Pertsonarengan zentratuta egongo den zerbitzuari eusten dioten zutabeen artean, ezinbesteko hiru aipatzen ditu: erabateko herritartasun rolak, laguntza sistema pertsonalizatuak eta inklusiorako aukerak handitzea. Halaber, pertsonengan zentratutako jardunbideen ezaugarria, adimen urritasuna duten pertsonak eta familiak profesionalek diseinatutako zerbitzuen erabiltzaile hutsak ez izatea dela ere esaten du, hasieratik plangintzan inplikatzen diren pertsonak baizik. Berta Gonzálezek adierazi duenez, erakunde askotan bi ereduak batera agertzen dira, “kontraesana delako, hain zuzen ere, aurrera egiten laguntzen diguna”.
Amaitzeko, Plena inclusión plataformaren bi erronka nagusiak aipatzen ditu. Alde batetik gizarte zuzenagoa, solidarioagoa eta inklusiboa eraikitzeko lanean aurrera egitea, eta bestetik, plan guztietan laguntza behar gehiago dituzten pertsonak barne hartzea.
