Plena inclusión gure elkarte-mugimenduaren eta Barne Ministerioaren arteko lankidetza-hitzarmen batek hauteskunde-prozesuen irisgarritasun kognitiboan aurrera egiteko hainbat neurri sustatzen ditu.
Igandean, ekainaren 9an, egingo diren hauteskundeetan orientazioa eta hauteslekuen erabilera errazteko 44.133 kartel instalatuko dira. Seinaleak autonomia-erkidegoetako hiriburu guztietan ikusi ahal izango dira, besteak beste, Gasteizen.
Irisgarritasun kognitiboko baliabide horiez gain, mahaiko eskuliburua irakurketa errazerako egokitu da, Estatuko bost hizkuntza ofizialetan, eta kontu-hartzaileei eta ahaldunei zuzendutako dokumentuak prestatu dira, adimen- edo garapen-desgaitasuna duten pertsonen boto-eskubidea nola ziurtatu jakin dezaten.
Ekintza horiek guztiek eragin positiboa dute adimen-desgaitasuna, garun-paralisia eta autismoa duten pertsonen eskubideen betetzean, eta Plena inclusiónen bultzadari esker gauzatu dira; izan ere, hainbat federazio autonomiko eta erakunderekin koordinatu du lana; Euskadin, FEVASek eta Apnabi-Autismo Bizkaiak (ErrazTEA) baliabide horietako batzuk euskarara egokitzen lagundu dute.
Informazio gehiago: www.plenainclusion.org
