Maiatzaren 28ko Foru eta Udal Hauteskundeen esparruan, FEVASek adimen- edo garapen-desgaitasuna (garun-paralisia, Down sindromea eta autismoa) duten pertsonen aldarrikapenak gizarteari helarazteko kanpaina hasi du sare sozialetan. Euskadiko talde politiko nagusietako ordezkariei aurkeztuko zaien Manifestua idazten lan egin duten pertsona desgaituen testigantzetan oinarritutako komunikazio-ekintza da. Beren eskaeren artean, oinarrizko eskubideekin zerikusia duten zenbait daude, hezkuntza, irisgarritasun unibertsala, osasuna edo etxebizitza, besteak beste.
Kanpaina horrek bat egiten du FEVAS elkarte-mugimendua hauteskunde-garaian gauzatzen ari den beste jarduera batzuekin. Aipatzekoak dira desgaitasuna duten pertsonen eta une honetan Arabako, Bizkaiko eta Gipuzkoako Batzar Nagusietan ordezkaritza duten alderdi politikoetako (EAJ-PNV, EH Bildu, PSE-EE, Elkarrekin Podemos eta PP) ordezkarien artean Gipuzkoan (maiatzak 5), Bizkaian (maiatzak 9) eta Araban (maiatzak 16) egingo diren hiru topaketak.
Ekintza horien bidez, FEVASek ikusgaitasuna eman nahi die adimen-desgaitasuna duten pertsonen eskaerei, haien auto ordezkaritzan aurrera egin nahi du eta haien eskubideetan, inklusioan eta herritartasun osoan urratsak eman nahi ditu.