bai&by Fundazioak adimen-desgaitasuna duten pertsonei egokitutako euskara ikasteko online ikastaroa aurkeztu du. Ekimen berritzaile horretan FEVAS Plena inclusión Euskadik, EHLABEk, Gaudek, Lantegi Batuakek eta HABEk hartu dugu parte. Helburua, zailtasun bereziak dituen talde baten aukerak handitzea da, hizkuntza hori modu pertsonalizatuan ikasteko.
bai&by-k egin zuen euskara ikasteko online ikastaroen lehen plataforma. Orain egokitzapenak egin ditu pertsona guztiek hizkuntza hori errazago ikas dezaten. Prestakuntzarako proposamen hori diseinatzeko, bai&by-k pilotaje bat egin du. Bertan, adimen-desgaitasuna duten 33 pertsonak hartu dute parte. Pertsona horiek plataforma probatu dute eta hobetzeko ekarpenak egin dituzte. Hobekuntza horiek kontuan hartu dira.
FEVAS Plena Inclusión Euskadin era positiboan baloratzen dugu esperientzia hori, gizarteratzeari eta adimen-desgaitasuna duten pertsonen eskubideei dagokienez aurrerapena delako.
Interesa dutenak leku hauetan egingo diren informazio-hitzaldietara joan daitezke:
- BILBO: Irailak 30 (astelehena), 19:00etan, Urkixo zumarkalea, 22
- DONOSTIA: Urriak 1 (asteartea), 18:00etan, Prim kalea, 14
- GASTEIZ: Urriak 3 (osteguna), 19:00etan, Adriano VI.a kalea, 12
- Bideokonferentzia: Urriak 2 (asteazkena), arratsaldeko 8etan.
