Plena inclusión Españak “Guía de apoyos en casa durante el coronavirus. Estrategias de apoyo domiciliario a personas con discapacidad intelectual o del desarrollo y sus familias durante el COVID-19” izenekoa kaleratu du. Adimen edo garapen urritasuna duten pertsonen familiei zuzendutako argitalpen berriak, konfinamenduak irauten duen bitartean erakundeak emandako etxebizitza berean bizi diren pertsonentzako aholku erabilgarriak eta laguntzetarako jardunbide egokiak biltzen ditu. Gidaliburua egiteko lanean hainbat erakundek hartu dute parte, horien artean Euskadiko zenbait, Aspace Bizkaiak, Gaudek eta Donostiako Goyeneche Fundazioak, besteak beste. Gainera, Aspace Bizkaiako Iker Ortolatxipik dokumentu horren aurkezpeneko online mintegian hartu zuen parte, bere erakundean gauzatzen ari diren protokoloak eta ekintzak azaltzeko.
Gidaliburuak helburu bikoitza du. Alde batetik, etxeko arreta pertsonalizatua, segurua eta kalitatezkoa emateko orientazioak eta aholkuak ematea; eta, bestetik, etxebizitza berean bizi diren pertsonen babesa berma dezaketen neurriak azaltzea. Argitalpen hori, pandemia hasi zenetik Plena inclusiónek argitaratu dituen beste batzuei gehitzen zaie, “Guía práctica para residencias de personas con discapacidad intelectual o del desarrollo ante la pandemia del coronavirus COVID-19”, besteak beste, eta baita abagune horri erantzuteko diseinatu dituen beste balibide batzuei ere, doako “Frente al aislamiento. Nos conectamos” App-a, adibidez, informaziorako, partaidetzarako eta kontsultarako tresna.
FEVASetik asko baloratzen ditugu ekimen horiek, eta baita gure elkarte mugimendua egoera zail honetan erakusten ari den esfortzua eta konpromisoa ere. Egoeraren ondorioz bere baliabide guztiak mobilizatu behar izan ditu, adimen urritasuna duten pertsonei eta euren familiei eman beharreko laguntzei eta erantzunei eusteko.
