Ostegun honetan, apirilaren 23an, ospatzen den Liburuaren Eguna dela eta, FEVASek bat egin du Plena inclusión Españak bultzatutako “Irakurketa erraza nahi dugu” kanpainarekin, liburutegi publikoak irakurketa errazeko liburu gehiago sartu ditzaten beraien mailegu webguneetan eta aplikazioetan.
Kanpainak, liburu horiek liburutegien webguneetan aurkitzea erraza izatea ere eskatzen du, eta horretarako ideia bi proposatzen ditu: lehen orrian nabarmentzea eta bilaketak egiteko botoi erraza jartzea.
Egungo konfinamendu egoeran ekimen hori aukera bikaina da adimen urritasuna duten pertsonek euren etxeetatik kultura eskuratu ahal dezaten.
Plena inclusiónek, Planeta fácil webgunearen bitartez, irakurketa errazean dauden 21 izenburu jarri ditu interesatutako pertsonen esku. Horrez gain, liburutegi publikoetan dohainik eskaintzen ditu, euren online katalogoetan sartu ahal ditzaten.
