Gorabidek, normaltasun berria dela eta Eguneko Arretarako Zentroetan ez sartzea erabaki duten eta adimen-urritasuna duten pertsonei eta horien familiei eskaintzen dien etxez etxeko laguntza aurkeztu zuen Plena inclusiónen antolatutako online prestakuntza horretan. Diana Cabezas Gorabideko Zuzendari Teknikoak eta Sistema Zuzendariak azaldu zuenez, bere arreta-planaren oinarria Pertsonarengan Zentratutako Plangintzaren esparruan zentroetan bezala erantzuna ematen jarraitzea da. Era berean, familiaren testuinguruan laguntza naturalek garrantzia hartzen dutela zehaztu zuen, eta, planteamendu horretatik abiatuta, pertsonak konektatuta egoteko prozedura errazak zabaldu dituztela, telefono-deiak eta bideo-deiak, batez ere.
Cabezasen hitzetan, esperientzia horrek hiru ikaskuntza utzi ditu erakundean: familien, profesionalen, urritasun intelektuala duten pertsonen eta abarren arteko konplizitateak uztartzearen garrantzia; pertsonei zer nahi duten eta zer behar duten galdetzen jarraitzeko beharra; eta, hirugarrenik, teknologia pertsonak konektatzeko funtsezko baliabidea dela ikustea.
Plena inclusión Españak antolatzen ditu prestakuntza-ziklo horiek, COVID-19aren eraginaren kudeaketan gaitasunak hobetzeko. Bigarren saio horretan, ongizate emozionalean jarri da arreta, pandemiaren kudeaketan kontuan hartu beharreko funtsezko faktore gisa.
Saio osoa HEMEN
