FEVASek positibotzat jo du adimen-desgaitasuna duten pertsonei garraio publikoan egiten dituzten joan-etorrietan laguntza ematen dieten laguntzaileentzako hartutako neurri hori. Elkarte-mugimenduak Administrazioari egin diogun aldarrikapen bat izan den neurriak kolektibo horren mugikortasuna eta autonomia pertsonala bultzatzen ditu, eta gizarteratzen laguntzen du.
Ekimen horren bidez, eskubide-eredua indartzen da, “Desgaitasuna duten Pertsonen Eskubideei buruzko Konbentzioarekin” bat etorriz, berariaz jasotzen baititu oinarrizko eskubideak, hala nola irisgarritasuna; modu independentean bizitzeko eta komunitatean murgiltzeko eskubidea; bai eta mugikortasun pertsonalerako eskubidea ere.
Bestalde, laguntzailearen txartelaren doakotasunak arindu egiten du adimen-desgaitasuna duten pertsonek eta haien familiek eguneroko bizitzan euren gain hartzen duten gainkostu ekonomikoa. Garraioari dagokionez, eta “Espainiako garraiobideen irisgarritasunari buruzko azterlan integrala” (2018) izenekoaren arabera, desgaitasuna duten pertsonen % 15,7k irisgarritasun-oztopoak ditu arlo horretan, arrazoi ekonomikoengatik.
Salbuespen horrek adimen-desgaitasuna duten pertsonen autonomia errazten du, pertsona horietako askok laguntza pertsonalak behar baitituzte arlo horretan. Orientatzeko, garraio-titulua erosteko eta erabiltzeko, informazioa ulertzeko eta interpretatzeko eta ustekabeko egoerei erantzuteko zailtasunak direla-eta, beharrezkoa da lagun egite pertsonal hori.
Dagoeneko hiru Lurraldeetan onartu den neurria funtsezkoa da inguruneak adimen- edo garapen-desgaitasuna duten pertsonentzat dituen oztopoak murrizteko eta haien eskubideak babesteko.
Informazio gehiago:
