Urriaren 25ean, Plena inclusiónek, FEVASek eta Gorabidek, “Bizi-proiektuen kudeaketarantz aurrera eginez” lelopean antolatutako jardunaldia egingo da Bilbon. Bertan, Plena inclusión elkarte-mugimenduaren Kalitate Eredu berria aurkeztuko da, eta gai hauekin lotutako gaiak jorratuko dira: pertsonentzako laguntzen kudeaketa hobetzeko modua, Eredu berriak planteatzen dituen erronkak, berrikuntzak eta zelan jarriko den abian. Ekitaldiaren amaieran, Kalitate Osoko Eredu berrian akreditatu diren lehenengo erakundeak aintzatetsiko dira.
Ekitaldia Euskalitek Euskadin koordinatzen duen Kudeaketa Aurreratuaren Europar Asteko ekitaldien agendan dago. Aste horren helburua Kudeaketa Aurreratuari buruzko jardunbide egokiak eta esperientzien trukea sustatzea eta hedatzea da.
Jardunaldia zuzenean emitituko da online, eta jarraitzeko beharrezkoa izango da izena ematea.
Informazio guztia HEMEN.
