FEVAS Plena inclusión Euskadik, Egin bat erronkarekin bildumaren barruan, “Familia-eskola lankidetza” izeneko gida berria argitaratu du, ikasleen garapen integralerako ezinbestekoa den harreman hori bultzatzeko. Dokumentu horrek premisa hau du abiapuntu: bi eragileak erantzunkideak dira hezkuntzan, eta euren esku dute etorkizuneko herritarrak pertsona autonomo, kritiko eta konprometitu gisa prestatzeko ardura.
Pernan Goñiren irudiekin, gida honek lankidetza zergatik den garrantzitsua azpimarratzen du, familien beharrak gogorarazten ditu eta ikastetxeari eta profesionalei zuzendutako zenbait orientabide praktiko eskaintzen ditu.
Argitalpen honen bidez, FEVAS Plena inclusión Euskadik aurrera egin nahi du ume guztiek ikasteko eta pertsona gisa hazteko aukera izango duten eskola inklusiboago baten eraikuntzan.
Sartu gidan hemen
