Skip links

“Inklusioa eta jasangarritasuna korapilatzen” Kongresuak lau euskal ekimen aitortu ditu jardunbide egoki gisa

Plena inclusión Españak eta Plena inclusión Castilla y Leónek antolatu duten, “Inklusioa eta jasangarritasuna korapilatzen” Kongresuak (Valladolid, ekainak 8 eta 9 Euskadiko elkarteek garatutako lau esperientzia onartu ditu jasangarritasunari buruzko jardunbide egoki gisa; zehazki, Aspace Bizkaiaren “Garun-paralisia duten pertsonentzako elikadura- eta nutrizio-proiektu egokitua”; Gaudek aurkeztutako “Eraldatuz sarea: gizarte-ekarpenerako pertsonak eta gizarte-erakundeak”;Apnabi Autismo Bizkaiaren Aldamiz Ikastetxea, Eskola Jasangarri ziurtatua”, eta “Autismoa duten pertsonen partaidetzarako eta inklusio komunitariorako Derio Zentroa”, azken biak Apnabi-Autismo Bizkaiarenak.

Aspace Bizkaiak ezarritako elikadura-proiektuak elikagai gordinak eta prestatuak egiteko eta egokitzeko teknika berriak ditu ardatz, garuneko paralisia duten pertsonen beharretara egokitzen diren ehundurak lortzeko, zapore handiagoa, barietate handiagoa eta nutrizio-ekarpen egokia izan dezaten.

Oso eremu desberdinean, Eraldatuz, hainbat gizarte-erakundek parte hartzen duten herritarren sarea da, Gaudek, besteak beste, eta bertan, adimen-desgaitasuna duten pertsonek gizartea aberasteko aukerak aurkitzen dituzte. Gainera, komunitatean parte hartzeak aniztasunaren inguruan sentsibilizatzen du, balio gisa aurkeztuz. Hori guztia 2030 Agendari lotutako ekintzekin.

Gainera, Plena inclusiónek Apnabi-Autismo Bizkaiaren bi esperientzia aintzatetsi ditu. Alde batetik, Aldamiz ikastetxea, curriculumean ingurumen-hezkuntza sartzearen alde egindako apustuarengatik; Eusko Jaurlaritzako Ingurumen Sailak ere aintzatetsi dio meritu hori Eskola Jasangarriaren Ziurtagiriarekin. Eta, bestetik, Derioko zentroa, energia-jasangarritasuna, kontzientzia ekologikoa eta ingurumenarekiko sentsibilizazioa nagusi diren, eta autismoa duten pertsonengan eta horien inklusioan pentsatuta dagoen arkitektura-diseinuarengatik.

“Inklusioa eta jasangarritasuna korapilatzen” Kongresua Plena inclusiónen Jasangarritasunaren Urtearen mugarri nagusia da, eta hiru eremutan, ingurumenean, gizartean eta antolaketan, esanahi eta jardunbide jasangarriak hobeto ezagutzea sustatu nahi izan du, erakundeen jardunbide onenak zabalduz.

 

Artículos relacionados





    Ver Política de privacidad

    Skip to content