Comité Español de Representantes de Personas con Discapacidad (Estatuko CERMI) izenekotik, “Horizonte Accesibilidad 4 diciembre 2017” deritzon kanpaina jarri da martxan. Kanpaina horren xedea irisgarritasun unibertsalari buruz kontzientzia piztea da, giza eskubide gisa, horren falta bazterketa eta giza eskubide horien bortxaketa gisa ulertuz.
Herritarren eta urritasuna duten pertsonen eta beraien familien elkarteen eta erakundeen salaketak, kexak eta erreklamazioak jasoz, Urritasuna duten Pertsonen Eskubideei eta beraien Gizarteratzeari buruzko Lege Orokorrak ezartzen duen denbora muga azpimarratu nahi da, 2017ko abenduaren 4a, hain zuzen ere, produktu, ondasun, ingurune eta zerbitzu guztiak irisgarriak izan daitezen, bazterketa ezari eta irisgarritasun unibertsalari buruzko oinarrizko baldintzak kontuan izanda.
Helburua, beraien eskubideak gauzatzea ezinezko bilakatzen duten oztopoak egoteagatik urritasunak dituzten pertsonekiko bazterketa egoerak sortzen dituzten eremuetan, inguruneetan, produktuetan eta zerbitzuetan irisgarritasunaren egoera nolakoa den erakusten duten bazterketa egoerak hautematea, identifikatzea eta katalogatzea da.
Behar bezala ordenatuko den informazio horrekin, alor horretako irisgarritasunaren egoerari buruzko txostenak egingo dira, agintari eskumendunen eta iritzi publikoaren eta komunikabideen aurrean aurkeztuz, zehapen prozedurak hasteko salaketak eta kontzientzia hartzeko prozesuak, hurrenez hurren.
