Ospatzen dugun Desgaitasunaren Nazioarteko Egunean, hezkuntza-komunitateari zuzendutako “Musika, inklusiorako tresna gisa” gida kaleratu dugu, gure “Egin bat erronkarekin” bildumako 6. Zenbakia, hain zuzen ere. Argitalpen horren bidez, adimen- edo garapen-desgaitasuna duten pertsonen kulturarako eskubideaz sentsibilizatu nahi dugu, musika-irakaskuntza eskuragarriagoaren eta inklusiboagoaren bidez.
Argitalpenak azpimarratzen du musikak oinarrizko balioak sustatzen dituela, hala nola berdintasuna, parte-hartzea eta aniztasunarekiko errespetua. Era berean, trebetasun kognitibo, emozional, sortzaile eta sozialen garapenean duen eragin positiboa nabarmentzen du, eta, aldi berean, autoestimua sustatzen eta nortasun pertsonala indartzen du. Helburua da pertsona bakoitzak ingurune inklusiboan musika ikasteko aukera izango duela bermatzea, eta, horretarako, hezkuntza-sistemak berak, ikastetxeek eta musika zentroek eta irakasleek kontuan hartu beharreko zenbait orientabide eskaintzen ditu.
Gida hau bat dator NBEren Garapen Jasangarrirako Helburuekin, Desgaitasuna duten Pertsonen Eskubideei buruzko Konbentzioarekin edo Euskal Autonomia Erkidegoko musika eta dantza eskolei buruzko maiatzaren 21eko 64/2024 Dekretuarekin.
Ekimen horren bidez, adimen-desgaitasuna, autismoaren espektroko nahasmenduak eta garuneko paralisia dituzten pertsonek parte hartzeko, adierazteko eta euren talentua garatzeko aukera izango duten inguruneak sortzeko konpromisoa berresten dugu.
