Duela gutxi, Bizkaiko Foru Aldundiak eta Bizkaiko Garraio Partzuergoak (BGP), Bizkaiko Batzar Nagusien ekimenez, desgaitasuna duten pertsonei laguntzen dietenentzako garraio publikoko txartelaren doakotasuna bermatzeko neurria onartu dute. Bizkaiko Foru Aldundiaren datuen arabera, 15.100 pertsona inguru izango dira xedapen horren onuradun.
Salbuespen hori erabili ahal izateko bi baldintza bete behar dira: % 45eko desgaitasuna edo handiagoa izatea eta mendetasun-egoera aitortuan egotea.
Salbuespena eskatzeko izapidea Bizkaiko Garraio Partzuergoko bezeroaren arretarako edozein bulegotan egin daiteke bertara joanda edo norberaren izenean kudeatzeko beste pertsona bati baimena emanda.
FEVASen oso positibotzat jotzen dugu ekimen hori, oso urrats garrantzitsua baita Bizkaia inklusiboagoa eta irisgarriagoa lortzeko. Neurri horrek mugikortasuna, autonomia pertsonala eta desgaitasuna duten pertsonen erabateko inklusioa bultzatzen ditu, eta, aldi berean, familiaren karga ekonomikoa arintzen laguntzen du.
