Plena Inclusiónek Jardunbide Egokien topaketaren beste edizio bat iragarri du, ‘Prácticas con impacto’ lelopean, adimen- edo garapen-desgaitasuna duten pertsonengan eta horiek babesten dituzten erakundeetan eragin positiboa sortzen duten ekimenak aintzatesteko eta ikusarazteko. Deialdia 2025eko azaroan Andaluzian egingo den Jardunbide Egokien Estatuko Topaketan amaituko da.
Duela hamarkada batzuetatik hona, Plena Inclusiónek desgaitasuna duten pertsonen arretan eta inklusioan erreferentzia gisa balio duten jardunbideak bereizten ditu. Oraingo honetan, deialdian hiru kategoriatako jardunbideak jasotzen dira:
- Desinstituzionalizazioa eta komunitateko bizitza: Pertsonei, behar dituzten laguntzekin, modu independentean bizitzen lagunduko dieten jardunbideak.
- Gobernu ona eta lidergoa: Erakundeen erabakietan familien eta erabiltzaileen parte-hartzea sustatzen duten jardunbideak.
- Teknologia: Adimen- eta garapen-desgaitasuna duten pertsonen bizi-kalitatea hobetzeko teknologia erabiltzen duten jardunbideak.
Kategoria horiez gain, deialdia zabaldu egiten da Plena inclusiónen ingurunetik kanpoko eragileen esperientziak aintzatesteko: Ikerketa edo mundu akademikoa; Hirugarren Sektoreko beste erakunde batzuk; Adimen- eta garapen-desgaitasuna duten pertsonekin lan egiten duten nazioarteko erakundeak; Administrazio publikoak.
Interesa duten erakundeek 2025eko apirilaren 27ra arte aurkez ditzakete proposamenak. Ekimenik onenak azaroan aurkeztuko dira, Estatu mailako ‘Prácticas con impacto’ Topaketan.
Informazio gehiago: Plena Inclusión –Jardunbide Egokiak
