Dokumentu honetan adimen-desgaitasuna, autismoaren espektroko nahasmenduak eta garuneko paralisia dituzten ikasleen 40 guraso baino gehiagoren hausnarketan oinarritutako “Nahi dugun hezkuntza” jasotzen dugu. Familia horiek FEVASek joan den abenduan Autonomia-erkidego mailan antolatutako topaketan elkartu ziren, bi gai garrantzitsuren inguruan sakontzeko: Euskal Hezkuntza Sistemak ikasle horientzat dituen oztopoak identifikatzea eta hezkuntza inklusiboan aurrera egiteko gakoak adieraztea.
“Nahi dugun hezkuntza” hausnarketan jasotzen diren puntuen artean hauek daude: laguntzen, baliabideen eta materialen pertsonalizazioa; hezkuntzako profesionalen sentsibilizazioa eta prestakuntza; profesional bakoitzaren irizpide pertsonaletan oinarritutako erantzunak saihestuko dituzten protokolo espezifikoen diseinua; eta arlo horretako inbertsioa handitzea.
Familien proposamen horiek gure jarduna bideratzen eta politikan eta gizartean eragiteko orduan argudiaketa zentratzen laguntzen digute, adimen-desgaitasuna, autismoaren espektroko nahasmenduak eta garun-paralisia duten ikasleen hezkuntzarako eskubidea gauzatzeko.