FEVASen “Irakurketa Errazeko testuen Balioztapen” ikastaro bi egin ditugu duela denbora gutxi, bat Bilbon (apirilaren 17an) eta bestea Gasteizen (apirilaren 18an), eta gure kide diren erakundeetako 38 pertsonak hartu dute parte. Eva Luján, Ademo Fundazioko logopeda eta adimen urritasuna duten pertsonekin testuen balioztapeneko laguntzako teknikari espezialista izan zen adimen urritasuna zuten eta ez zuten pertsonez osatutako taldeei prestakuntza ematearen arduraduna.
Ikastaroen helburuak hauek izan ziren: balioztapen prozesua ulertzea, irakurketa errazaren metodologiaren parte espezifiko gisa; alderdi garrantzitsuenak ezagutzea, balioztapen taldeak martxan jartzeko; taldeen barruan dinamizatzaile eta balioztatzaile rolak bereiztea; eta jasotako ezagutzak martxan jartzea.
Ekintza hori, irisgarritasun kognitiboa sustatzeko FEVASek aurrera daraman estrategiaren barruan dago. Azken urteetan, estrategia hori, irakurketa errazeko zenbait prestakuntza ikastarotan, irakurketa errazerako giden bilduma baten argitalpenean, 2017an egin zen “Eta errazago egiten badugu” izeneko jardunaldian eta duela denbora gutxi, hezkuntza komunitateari zuzenduta, egin den “Egin bat irisgarritasun kognitiboaren erronkarekin” lanaren argitalpenean gauzatu da.
