Larunbat honetan, azaroaren 16an, Erromo Kultur Etxean egin zen ekitaldiak adimen urritasuna duten Apdemako, Atzegiko, Gaudeko eta Gorabideko autokudeta taldeetako 90 pertsona baino gehiago bildu zituen. Oraingoan, Gaude elkarteak antolatuta, gaia “Emakumeak eta gizonak berdintasunean” izan da, eta genero rolei, estereotipoei eta genero indarkeriari buruz hausnartzeko balio izan du, beste gai batzuen artean.
Rafaela Churruca, Iñigo Amann, Nekane Garcia eta Francisca Alvarez izan ziren ekitaldi ofiziala gidatzeko ardura izan zuten autokudeatzaileak. Ekitaldia Jose Ramon Esparza Gaudeko presidentearen eta Valeria Garcia-Landarte FEVASeko zuzendariaren hitzaldiekin inauguratu zen. Horien hitzen ondoren, eztabaida gaiari buruzko sarrera labur bat etorri zen, eta parte-hartzaileak zortzi lan taldetan banatu ziren. Gehien errepikatu ziren ideien artean, azpimarratzekoa da emakumeenganako indarkeriari EZ esan zitzaiola, edozein motatakoa izanda ere, esaldi hauen bitartez: “Indarkeria Ez, ez hitzezkoa, ez psikologikoa, ez fisikoa, ez sexuala”, “Nire telefono mugikorra edo arropa kontrolatzea debekatuta dago” edo “Xantaia emozionala eta irainak ere indarkeria dira”. Parte-hartzaileek, aniztasunarekiko errespetuaz gain, gizonen eta emakumeen arteko berdintasuna aldarrikatu zuten. Eta “indarkeria mota hori amaitzeko neurri gehiago” eskatu zizkioten Gobernuari.
Autokudeatzaileek modu positiboan baloratu zuten Topaketa, eta dagoeneko hurrengo topaketarako lanean hasi dira.
