Aditu honekin zahartzea eta Alzheimer gaixotasuna Down Sindromea duten biztanleen artean gaiari helduko diogu: lehen sintomak, tratamendua, erronkak eta ikerketaren garrantzia. Elkarrizketa honetan, Altunak adierazten du gizartea ez dagoela prest Down Sindromea duten pertsonen zahartzeak dakarren erronka bere gain hartzeko. Etapa honetan berariazko baliabiderik ez izateak gehiegizko instituzionalizazioa, polifarmazia edo ospitaleratze gehiago eragin ditzake.
Bestalde, ikerketaren aldeko apustua egiteko beharra azpimarratu du, diagnostikoa, tratamendua eta, azken batean, pazienteen eta zaintzaileen bizi-kalitatea hobetzen laguntzen baitu.
