Zenbait erakundek (Apnabi-Autismo Bizkaia, Gaude, Euskadiko Down Sindromea Fundazioa, Lantegi Batuak eta Gureak) lankidetza hitzarmena sinatu dute Eusko Jaurlaritzako Gobernantza, Administrazio Digital eta Autogobernu Sailarekin administrazio horretan sartuko diren adimen-desgaitasuna duten pertsonen laneratzea errazteko.
Hitzarmen horrek, aurkeztu ziren lan-eskaintza publiko espezifikoa gainditu ondoren, mandatari eta sukaldeko laguntzaile lanpostuetan sartuko diren eta adimen-desgaitasuna duten sei pertsonen laneratze-prozesua errazteko neurriak ezartzen ditu. Horietako bakoitzak, hala nahi badu, lan-prestatzaile baten laguntza izango du. Prestatzaile horrek, kasu bakoitzean, laguntza eta jarraipen pertsonalizatua egingo du, “Enplegu Lagundua” izeneko metodologiaren barruan.
EHLABEn, ForoEcan eta FEVASen barruan dauden erakunde sinatzaileek denbora daramate Gobernantza, Administrazio Digital eta Autogobernu Sailarekin lankidetzan, adimen-desgaitasuna duten pertsonen enplegurako eskubidea sustatzeko, kolektibo horrek zailtasun bereziak baititu arlo horretan.
FEVASek positibotzat jo ditu Eusko Jaurlaritzaren enplegu publikoaren lehen deialdi espezifikoa eta hitzarmena. Gainera, azpimarratu duenez, Administrazioaren eta Hirugarren Sektorearen arteko lankidetza ezinbestekoa da enplegu publikoan adimen-desgaitasuna duten pertsonen aukera-berdintasuna bermatzen lagunduko duten ekintza bateratuak definitzeko.
Argazkia: Eusko Jaurlaritza
