Skip links

Errespetua, berdintasuna eta abegikotasuna, boluntarioen balioen artean

Duela denbora gutxi, FEVAS Plena inclusión Euskadi barruan dauden erakundeetako boluntarioek beraien III. topaketa ospatu zuten Donostia 2016ko Kulturaren Hiriburua gunean. “Gizartea gure balioetatik eraikiz” goiburupean, Gipuzkoako, Bizkaiko eta Arabako elkarteetatik etorritako 55 boluntariok, beraien ustez, elkarte mugimenduaren ekintza boluntarioaren gidari izan beharko liratekeen balioei buruzko gogoeta egin zuten elkarren artean; lan horren hasiera, Plena inclusión federazioak (lehen FEAPS) urte honetan gauzatu dituen balioen azterketan oinarritutako lana da.

Nines López Fraguas Plena inclusióneko antolakuntza garapeneko kontsultore eta Etika Batzordeko idazkari teknikoak dinamizatu zuen Topaketa hori. Bertan, boluntarioak identifikatu beharko lituzketen ideal handiak adostu zituzten boluntarioek, eta hiru balio moten artean bereiztu zituzten: etikoak, teknikoak eta sorkuntzakoak. Etikoen artean, koherentziak duen garrantzia aipatu zen, errespetua, berdintasuna, abegikotasuna, elkarrizketa, askatasuna, enpatia, leialtasuna eta konpromisoa bezalako beste hainbat balio elkartzen dituen balio gisa. Balio teknikoei dagokienez, kalitatea, konstantzia, eraginkortasuna eta segurtasuna proposatu zituzten. Eta, azkenik, sorkuntzarekin erlazionatutako balioei dagokienez, pentsamendu kritikoa, talde lana, berrikuntza eta gogoa aukeratu zituzten.

Partaideek adierazi zutenez, elkarren artean erlazionatuta dauden balioen multzo horrek erakunde osoa eta berau osatzen duten pertsona guztiak inplikatu beharko lituzke, erakundeek beraien xedea betetzeko orduan aurrera eraman beharreko estrategia eta jarduketa ildoak bideratu beharko dituzten ezinbesteko printzipio bilakatuz.

Artículos relacionados

«Hezkuntzak ez du mundua aldatzen; mundua aldatuko duten pertsonak aldatzen ditu», zioen Paulo Freire pedagogo brasildarrak. Gure elkarte-mugimendua ere zeregin horren parte da, ikasgelak ezagutzak eskuratzeko eta, aldi berean, elkarrekin bizitzeko, aniztasuna aitortzeko eta pertsonei bizitza osoan lagunduko dieten balioak

Plena inclusiónek adimen- eta garapen-desgaitasuna duten pertsonek Lanbide Heziketan sartzeko eta bertan irauteko aurkitzen dituzten oztopoak aztertzeko ikerketa egin du. Ikerketak irakasleen prestakuntza-beharrak ere jorratzen ditu, eta LH inklusiboagoa eta enpleguarekin lotuagoa izateko bidean aurrera egiteko gomendioak proposatzen ditu.

FEVASek Euskadiko Eskola Segregazioaren Aurkako Ituna-Eskola Bikaina Denontzat ekimenean parte hartzea ikasle guztien presentzia, parte-hartzea eta ikaskuntza bermatzeko gai izango den eskola benetan inklusiborantz aurrera egiteko dugun konpromisoaren barruan dago. Itun honen helburua hezkuntza-sistema ekitate eta inklusio handiagorantz orientatzea da,

Harpidetu zaitez
gure Newsletterrera

Skip to content