Eredu komunitarioa indartzeko eta adimen- edo garapen-desgaitasuna duten pertsonen inklusioa sustatzeko ahaleginean, konektore komunitarioan oinarritutako pilotaje berri bati emango diogu hasiera. Proiektu honek asimilaziorako eta inplementazio posiblerako oinarriak ezartzen dituzten ikaskuntza partekatuak sortu nahi ditu.
Konektore komunitarioak funtsezko zeregina betetzen du desgaitasuna duten pertsonen eta haien komunitatearen arteko loturak sortzeko, haien parte-hartze aktiboa sustatuz eta gizarte-sarea indartzen lagunduz.
Pilotaje honetan FEVASeko kide diren sei erakundek hartzen dute parte: Apnabi-Autismo Bizkaiak, Aspace Gipuzkoak, Donostiako Goyeneche Fundazioak, Gaudek, Gautenak eta Gorabidek. Erakunde horiek Plena inclusión Canariasen “Mi Casa: una vida en comunidad” proiektuaren ardura duen Erika Quesadaren eta Plena inclusión Españan proiektuaren arduraduna den Sofia Reyesen laguntza teknikoa dute.
Ekimena funtsezko urratsa da pertsona guztiek parte hartzeko eta ingurunea aberasteko aukera izango duten gizarte abegitsuagoa eta askotarikoagoa eraikitzeko.
